Yɔhana 7:13 - Nyaa Shɔɔ Ɓɔɔ Laa a Ɓɛɛ

¹³ A zang ɓɔɔ rang yee kaa tɔ̀ɔ́ yuu ɓiɓɛ, naa ɓɔɔ zang piti tãa ɓɛɛ kpang, ka ruu ɓɔɔ zang kaa vɔrɔ zang bang bang zang Yahudi ɓɛɛ.

Yɔhana 7:13 Σταυροειδείς Αναφορές

Yɔhana 19:38

Ka knti weɓe, Yusufu yɔɔ gari Arimataya gaa Bilatu nɛɛ Bilatu wu a wu vɔrɔ Yeesɔ. (Yusufu ɓi doo zang ɓɔɔ dũng Yeesɔ kɔ, a kasɛ nɛɛ zang zi kaa takpang, ka ruu ɓɔɔ, kaa vɔrɔ zang Yahudi ɓɛɛ.) Bilatu yaa wu nɛɛ wu dàa tuu vɔrɔ Yeesɔ ta. A Yusufu daa kati, daa witi vɔrɔ Yeesɔ daa nɛɛ mani.

Yɔhana 20:19

Nɛɛ laarang ka diki kaɓa, ka diki ɓɔɔ nɔng gãntɛ tɔ gbete, ka knti Diki Ɔ̃sɔnang ɓɛɛ. Zang ɓɔɔ ri mantɛ vuu ka bii Yeesɔ ri kpalɛ zɔɔ ka yeti gãa, ri kulu nyaa gãa katɔ, ka ruu ɓɔɔ, ri kaa vɔrɔ zang Yahudi ɓɛɛ. Yeesɔ a doo nɛɛ mani, naa shii ka teteng ɓarɛ, a kɔɔ ri tɔɔ, “Yeti manɛ wu lasɛ kpang.”

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 7:1

Ka knti rɛɛ vuu keɓe, Yeesɔ rakɛ ka tipi Galili, a kasɛ nɛɛ wu rakɛ ka tipi Yahudi kpang, ka ruu ɓɔɔ, zang Yahudi ɓɔɔ ka nɔng bìí, kãa wu nɛɛ ri nyɔ wu vɔrɔ ɓɛɛ.

Yɔhana 7:11

Zang bang bang zang Yahudi ri kãa wu kana ka nɔng nyaalaa. Ri hɛ̃ɛlɛ kana nɛɛ, “Ɓu kiya?”

Yɔhana 7:15

Zang Yahudi ri mã naa ka danggn, a ri kɔɔyi nɛɛ, “Yɔɔ keɓe pálɛ̀ biya zi vuu nɔngkɔ, ti mantɛ vuu gngn kpang viya?”

Yɔhana 9:22

Rɛɛ zang ɓɔɔ yi yɔɔ ri kasɛ nyaa nɔngkɔ, ka ruu ɓɔɔ, ri kaa vɔrɔ zang Yahudi bii katɔ ɓɛɛ. Rɛɛ zang Yahudi ri kɔɔ tɔ nɛɛ, zang ɓɔɔ nɛɛ kɔɔyi nɛɛ, wu kasɛ tɔ nɛɛ Yeesɔ kɔ Kirisi, ri zãa wu gãa zɔɔ kpalɛnang daanang katɔ.

Yɔhana 9:34

Ri kasɛ nyaa tɔɔ, “Ɓɔɔ zang yi mɔkɔ ka yeti vuu shi kpang kirik, mɔɔ nɛɛ mɔɔ tusu rukɔ vuu ya?” Ri hing wu ka biling.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.