Yɔhana 7:1 - Nyaa Shɔɔ Ɓɔɔ Laa a Ɓɛɛ

¹ Ka knti rɛɛ vuu keɓe, Yeesɔ rakɛ ka tipi Galili, a kasɛ nɛɛ wu rakɛ ka tipi Yahudi kpang, ka ruu ɓɔɔ, zang Yahudi ɓɔɔ ka nɔng bìí, kãa wu nɛɛ ri nyɔ wu vɔrɔ ɓɛɛ.

Yɔhana 7:1 Σταυροειδείς Αναφορές

Matiyu 10:23

Zang nɛɛ dang nɔɔ jĩng kana ka gari gbete, nɔɔ yurɛ nɔ́ɔ daa ka gari ɓɔɔgn. N kɔɔ nɔɔ ruu ɓɔɔ niizang kɔ nwani Jaa Shɔnzang naa arɛ, bɛ̀ɛ́ nɔɔ hangsɛ nyaa shonang manɛ palɛnang gn gari zang Isirela nandon kpang.

Matiyu 21:38

“A ɓɔɔ ri zi jaa yɔɔ a kana, ri tɔ̀ng zɔɔ tɔɔ, ‘Wee jaa ɓɔɔ naa shaa vuu vɔ ɓiɓɛ kɔ, nɔɔ a ta ruu nyɔ wu vɔrɔ, tɔ̀ɔ jaa wu nwang ɓɔɔ ɓuru kati.’

Maraku 11:18

A zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tãayi, a ri gaa tɔɔsung gbalang ɓɔɔ ri naa nyɔ wu vɔrɔ ɓɛɛ kãanang kati. Ri kaa vɔrɔ Yeesɔ ka ruu ɓɔɔ, zang ɓɔɔ ri kpalɛ zɔɔ piti, ri mã naa ka danggn, ka ruu vuu ɓɔɔ wu tusu ɓɛɛ.

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Yɔhana 4:3

Tãa tɔ nɔngkɔ, a Yeesɔ yaa tipi Yahudi gbãayu tɔkn daa Galili.

Yɔhana 4:54

Ɓu dòo ɓɔɔ Yeesɔ gbãayu nɛɛ, tipi Yahudi a ka tipi Galili, pálɛ́ vuu ɓɔɔ zang zirɛ zang mã naa ka danggn daa kaa nɛɛ weɓe ziti.

Yɔhana 6:1

Diki naa bee tɔ tɔkɔlɔng, Yeesɔ ta waapo Galili, ɓɔɔ zang ti ɓaa dòo nɛɛ waapo Tiberiya kɔ ɓɛɛ, ka dang.

Yɔhana 7:11

Zang bang bang zang Yahudi ri kãa wu kana ka nɔng nyaalaa. Ri hɛ̃ɛlɛ kana nɛɛ, “Ɓu kiya?”

Yɔhana 7:13

A zang ɓɔɔ rang yee kaa tɔ̀ɔ́ yuu ɓiɓɛ, naa ɓɔɔ zang piti tãa ɓɛɛ kpang, ka ruu ɓɔɔ zang kaa vɔrɔ zang bang bang zang Yahudi ɓɛɛ.

Yɔhana 7:19

Wu Musa kɔ a nɔɔ nyaa dannang Laa kpang ya? Zang ɓɔɔ dũng nyaa dannang bìí kagn teteng manɛ gbete kpang? Nɔɔ nɛɛ nɔɔ nyɔ m vɔrɔ ka ruu viya?”

Yɔhana 7:25

A zang ɓɔɔ ka teteng zang Urushalima ri hɛ̃ɛyi nɛɛ, “Wee ɓi yɔɔ ɓɔɔ zang kãayi nɛɛ zang nyɔ wu vɔrɔ kpang ya?

Yɔhana 7:35

Zang bang bang zang Yahudi ri kɔɔrɔ ka naa ɓarɛ nɛɛ, “Naa daa kaa niya a ruu ĩi wu kpang wiya? Daa kaa rɛɛ gari zang Heleni ɓɔɔ zang ɓuru ri nwalɛ kagn wu tusu zang Heleni vuu ya?

Yɔhana 8:37

N zi tɔ nɔɔ manɛ zɔ̃ng Ibirayi. A ka ruu vi nɔɔ kãa gbalang nɛɛ nɔɔ nyɔ m vɔrɔ viya? Ka ruu ɓɔɔ, nɔɔ ta ruu mɛɛ ka yeti manɛ kpang ɓɛɛ.

Yɔhana 8:40

Kãntang keɓe, nɔɔ kãa gbalang nɛɛ nɔɔ nyɔ m vɔrɔ, ɓɔɔ nkɔ zang ɓɔɔ kɔɔ nɔɔ ruu ɓɔɔ niizang ɓɔɔ n tãa ka nyaa Laa ɓɛɛ. Ibirayi pálɛ̀ rɛɛ vuu ɓɔɔ naa weɓe ɓi kpang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.