Yɔhana 6:56 - Nyaa Shɔɔ Ɓɔɔ Laa a Ɓɛɛ

⁵⁶ Zang ɓɔɔ nɛɛ shaa yɔpɔ bii mɛɛ, nɛɛ ti ɓoo zĩi mɛɛ, nwang ɓi nɛɛ n, n ti nwáng ka yeti ɓiɓɛ.

Yɔhana 6:56 Σταυροειδείς Αναφορές

Yɔhana 14:20

Diki kaɓa nɛɛ a tɔ, nɔɔ naa zi ka lɛ̀ɛ́kɔ nɛɛ, Daa ka yeti mɛɛ, n ti kagn yeti ɓiɓɛ. A ɓɔɔ n nɛɛ nɔɔ, ruu ti gbete.

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

Yɔhana 6:55

Ka ruu ɓɔɔ, yɔpɔ bii mɛɛ, ɓi vuu shaanang ɓɔɔ niizang ɓɛɛ. Zĩi mɛɛ, ɓi ti vuu ɓoonang ɓɔɔ niizang ɓɛɛ.

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

1 Yɔhana 2:24

Nɔɔ yaa yee Laa ɓɔɔ nɔɔ tãa ka diki ɓɔɔ nɔɔ gaayu yee Laa tanang wu nwang ka yeti manɛ. Ruu Laa keɓe nɛɛ nwang tɔ ka yeti manɛ, nɔɔ nwang ditɔ ka nyaa zɔɔ nɛɛ Jaa Laa nɛɛ Daa ɓiɓɛ Laa.

1 Yɔhana 3:24

Zang ɓɔɔ nɛɛ ɓaa shoo ka nyaa ɓɔɔ Laa dangnɛ wukɔ nwàng ɓi nɛɛ Laa. Laa ti nwàng nɛɛ wu. Ruu zirɛ nɛɛ Laa nwàng nɛɛ ruu, ka suru bii ɓɔɔ wu a ruu ɓɛɛ.

1 Yɔhana 4:12

Zang ɓɔɔ zi Laa gngn nɛɛ jĩng kpang. Ruu nɛɛ kasɛ ruu zɔɔ katɔ, Laa kagn yeti ɓuru. Ruu zang kasɛnang ɓɔɔ Laa ti kagn yeti ɓuru niizang.

Vuu ɓɔɔ zang nwangsɛ Yɔhana 3:20

Nɔɔ zirɛ, n shii ka nyaa gãa, n waa nyaa gãa. Zang ɓɔɔ nɛɛ tãa yee mɛɛ, nɛɛ puu nyaa gãa, n shɛ̃ɛ ka yeti gãa ɓiɓɛ. Ruu shaa vuu shaanang nɛɛ zɔɔ nɔng gbete.