Yɔhana 6:52 - Nyaa Shɔɔ Ɓɔɔ Laa a Ɓɛɛ

⁵² Zang Yahudi bìí ri làa zɔɔ nyaa ka naa ɓarɛ gbãng gbãng ri hɛ̃ɛyi nɛɛ, “Yɔɔ keɓe a ruu yɔpɔ bii ɓiɓɛ biya, ruu shaayi viya?”

Yɔhana 6:52 Σταυροειδείς Αναφορές

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Yɔhana 10:19

Zang Yahudi ri basɛ zɔɔ tɔkn ka ruu, ruu kɔ Yeesɔ kɔɔ ɓee.

Yɔhana 3:4

Nikodimu hɛ̃ɛ wu tɔɔ, “Zang yi zang biya tɔkn, zang nɛɛ bang tɔ viya? Zang tú tɔkn ka yeti nàá zang, tɔ̀ɔ, nàá zang wu yi zang tɔkn daa kaa dakn ziti ya?”

Yɔhana 3:9

Nikodimu hɛ̃ɛ wu tɔɔ, “Vuu keɓe nwáng lɛ̀ɛ́ bɛ̀ɛ́ nɔngkɔ viya?”

Yɔhana 4:11

Jaa soro kasɛ wu nyaa tɔɔ, “Maalang, vuu ɓɔɔ mɔɔ wɔ mii nɛɛ mani kpang, toomii ti bee katɔ. A mɔɔ walɛ mii ɓɔɔ a zang suru bii ka niya?

Yɔhana 6:41

A zang Yahudi ri gaayu yee gɔ̃ɔrɔnang ka yuu ɓiɓɛ. Ka ruu ɓɔɔ, kɔɔyi tɔɔ, “Nkɔ borodi ɓɔɔ à nɛɛ lapa ɓɛɛ.”

Yɔhana 6:60

Zang dɔɔli ka teteng zang ɓɔɔ ri mantɛ vuu ka bii ɓiɓɛ ɓɛɛ, ɓɔɔ ri tãa ruu keɓe, ri kɔɔyi nɛɛ, “Vuu kɔ wu tusu ɓee, kpãa nyaa dɔɔli, ɓu wi ɓaa shoo tãayi wiya?”

Yɔhana 9:16

Ka teteng zang Farisi bìí, zang ɓɔɔ ri kɔɔyi nɛɛ, “Yɔɔ ɓɔɔ palɛ vuu keɓe, a ɓi nɛɛ bii Laa kpang, ka ruu ɓɔɔ dũng nyaa ɓɔɔ zang dang ka yuu Diki Ɔ̃sɔnang ɓi kpang ɓɛɛ.” Zang ɓɔɔ ri ti kɔɔ ɓarɛ, nɛɛ, “Naa yɔɔ keɓe nɛɛ zang ɓɔɔ palɛ vuu shi kpang, nɛɛ zunung ɓɔɔ wu palɛ rɛɛ vuu ɓɔɔ zang zirɛ, zang mã naa ka danggn, naa rɛɛ wee wu pálɛ̀ ɓee kpang.” A ri basɛ zɔɔ kaa nɔ́ngkɔ̀.

Zang Shonang Yeesɔ 17:32

Ɓɔɔ ri tãayi Bulu kɔɔ ruu ka yuu paa yunang nɛɛ saa, zang ɓɔɔ ri kpaa wu, a zang ɓɔɔ ri kɔɔ wu nɛɛ “Ruu kasɛ nɛɛ ruu tãa ruu ka yuu vuu keɓe tɔkn.”

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.