Yɔhana 6:51 - Nyaa Shɔɔ Ɓɔɔ Laa a Ɓɛɛ

⁵¹ Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Yɔhana 6:51 Σταυροειδείς Αναφορές

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Luka 22:19

A tuu borodi zãa Laa, a sharɛ, a á ri, kɔɔ ri tɔɔ, “Wee bii mɛɛ ɓɔɔ n a zang, zang nyɔ vɔrɔ ka ruu manɛ ɓɛɛ kɔ. Nɔɔ palɛ vuu keɓe diki diki nɔɔ kpaa danggn mɛɛ kaa nɛɛ mani.”

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 11:26

Zang ɓɔɔ doo ningkãari, nɛɛ shing danggn ka bii mɛɛ, vɔ kpang dòndòng, mɔɔ shing danggn tɔ kagn nɔngkɔ ya?”

Yɔhana 3:13

Zang ɓɔɔ vang gngn daa ka lapa kpang, ɓi nkɔ Jaa Shɔnzang ɓɔɔ n shooro nɛɛ lapa kɔ shɛ̃ɛning.”

Yɔhana 3:14

Naa ɓɔɔ Musa wisi sɔkɔ ɓɔɔ zang palɛ zang kãngtɛ ka yuu laa paa ka waala, zang naa wisi m ɓɔɔ n Jaa Shɔnzang paa doo nɔngkɔ.

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:33

Ka ruu ɓɔɔ, borodi Laa, ɓi zang ɓɔɔ à nɛɛ lapa á zang koo keɓe suru bii ɓɛɛ.”

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:41

A zang Yahudi ri gaayu yee gɔ̃ɔrɔnang ka yuu ɓiɓɛ. Ka ruu ɓɔɔ, kɔɔyi tɔɔ, “Nkɔ borodi ɓɔɔ à nɛɛ lapa ɓɛɛ.”

Yɔhana 6:47

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, suru bii ɓɔɔ waa nyaa kpang kagn bii ɓiɓɛ.

Yɔhana 6:48

Nkɔ borodi ɓɔɔ a zang suru bii ɓɛɛ.

Yɔhana 6:50

Borodi ɓɔɔ a nɛɛ lapa keɓe, naa zang ɓɔɔ shaayi, vɔ takpang.

Yɔhana 7:38

Zang ɓɔɔ nɛɛ shing danggn ka bii mɛɛ, labeenang Laa kɔɔyi tɔɔ, ‘Rang mii ɓɔɔ a zang suru, ri zɛ̃ɛ ditɔ nɛɛ yeti ɓiɓɛ.’ ”

2 Koranti 5:19

Vuu ɓɔɔ n kɔɔ keɓe, Laa kãa gbalang ɓɔɔ wu rìsí zang koo piti, ri nwang rɛɛ wusang ɓiɓɛ nɛɛ bii Yeesɔ Kirisi. Yaa ri gbalang vuu shi kpang ɓɔɔ ri palɛ ɓɛɛ, yiti ka yeti ɓiɓɛ kpang. A ti a ruu shonang keɓe tɔ nɛɛ, ruu kɔɔ zang, nɛɛ wu kasɛ wu rìsí zang piti, ri nwang wusang ɓiɓɛ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Afisa 5:25

Varɛ, nɔɔ kàsɛ́ soro manɛ naa ɓɔɔ Yeesɔ Kirisi kàsɛ̀ zang ɓɔɔ ri dũng wu, a á zang yuu ɓiɓɛ, nɛɛ zang nyɔ wu vɔrɔ ka ruu ɓarɛ ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 10:20

Yeesɔ puu ruu gbalang tɔ nɛɛ bii ɓiɓɛ ɓɔɔ wu a ɓɛɛ, gbalang ɓɔɔ zang ri walɛ suru bii nɛɛ mani ɓɛɛ. Gbalang ɓɔɔ ruu tɛɛ nɛɛ mani, ruu daa bii Laa nɛɛ yeti fɔ̃ɔrɔ nyaa pɛɛrɛ kaɓa ɓɔɔ bɛ̀ɛ́ ɓeleng ku gbalang katɔ ɓɛɛ.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.

1 Yɔhana 2:2

Laa yàa ruu gbalang vuu shi kpang ɓuru ka ruu vɔrɔ ɓɔɔ Yeesɔ vɔ ɓɛɛ. Vɔ ka ruu vuu shi kpang ɓuru kɔ shɛ̃ɛning kpang, ka ruu vuu shi kpang zang koo piti.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.