Yɔhana 6:2 - Nyaa Shɔɔ Ɓɔɔ Laa a Ɓɛɛ

² Zang dɔɔli ri dũng wu, ka ruu ɓɔɔ, ri zi vuu ɓɔɔ zang zirɛ zang mã naa ka danggn ɓɔɔ wu palɛ, ka ɓɔɔ wu masɛ zang ɓɔɔ vuu palɛ ri katɔ ɓɛɛ.

Yɔhana 6:2 Σταυροειδείς Αναφορές

Matiyu 12:15

Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 13:2

Zang dɔɔli ri kpalɛ zɔɔ ka bii ɓiɓɛ, ka ruu nɔngkɔ, Yeesɔ shɛ̃ɛyi daa nwang ka yeti tonsi. Zang dɔɔli ri kpalɛ zɔɔ ɓi ti kaa nyaa gãnggãng.

Matiyu 14:14

Yeesɔ shɛ̃ɛ nyaa dang gãnggãng tɔ, a zi zang dɔɔli ɓɔɔ ri kpalɛ zɔɔ, ri kɔng wu gn, a masɛ zang ɓɔɔ vuu palɛ katɔ, ka teteng ɓarɛ kati.

Matiyu 8:1

Ɓɔɔ Yeesɔ naa shooro tɔ nɛɛ kɔpɔ, a zang dɔɔli ri dũuru wu ka knti.

Maraku 1:45

Yɔɔ ɓɔɔ vuu bii shaa kaɓa, daayi daa kɔ̀ɔrɔ̀ zang vuu ɓɔɔ Yeesɔ pàlɛ̀ wu ɓi doo nɛɛ mani. Ka ruu nɔngkɔ, Yeesɔ walɛ gbalang ɓɔɔ wu nwang bii ka dalɛ, wu daa gari ɓɔɔgn takpang. Nwalɛ kaa nɔng ɓɔɔ zang kagn kpang ɓɛɛ. Zang ti daa bii Yeesɔ ɓi doo nɛɛ mani, nɛɛ nɔng piti, piti.

Maraku 6:33

Zang dɔɔli zi ri, ri daa kana, a ri zi ri nung kaa tantɛnang. Ri yuku nɛɛ gari ɓarɛ piti piti, ri daa shɛ̃ɛ nɔng ka tĩng ɓarɛ.

Yɔhana 11:47

A rɛɛ kpanti zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri ɓaa nyaa ka rɛɛ zang ɓɔɔ ri jɛ̃ɛ zang doo ruu kɔ, ɓɔɔ nimbang, a ri hɛ̃ɛ ri tɔɔ, “Ruu pálɛ̀ nɔɔ ɓu kaa viya? Yɔɔ keɓe pálɛ̀ vuu ɓɔɔ zang zirɛ, zang mã naa ka danggn ka naa dɔɔli.

Yɔhana 12:18

Zang dɔɔli ri daa kpisi wu yuu, ka ruu ɓɔɔ, ri tãayi nɛɛ Yeesɔ kɔ pálɛ́ vuu ɓɔɔ zang zirɛ, zang mã naa ka danggn keɓe ɓɛɛ.

Yɔhana 12:37

Yeesɔ palɛ vuu ɓɔɔ zang zirɛ, zang mã naa ka danggn keɓe nandon, ri zi jĩng ka bii, a ri shing danggn ka bii ɓiɓɛ kpang doo nɛɛ mani.

Yɔhana 2:11

Wee vuu ɓɔɔ zang zirɛ zang mã naa ka danggn ɓɔɔ Yeesɔ gaayu palɛnang ɓɛɛ kɔ, ka gari Kaana ɓɔɔ ka tipi Galili ɓɛɛ. Tusu zang bannang ɓiɓɛ kaa nɔngkɔ, a zang ɓɔɔ ri mantɛ vuu ka bii ɓiɓɛ ri shing danggn kaa bii ɓiɓɛ gbãng gbãng.

Yɔhana 2:23

Ɓɔɔ bɛ̀ɛ́ Yeesɔ doo ka Urushalima, ka diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, zang dɔɔli ri shing danggn ka bii ɓiɓɛ, ka ruu ɓɔɔ, ri zili vuu ɓɔɔ zang zirɛ zang mã naa ka danggn ɓɔɔ wu pálɛ́ ɓɛɛ.

Yɔhana 20:30

Yeesɔ palɛ vuu ɓɔɔ zang zirɛ zang mã naa ka danggn dɔɔli ka jĩng zang ɓɔɔ ri mantɛ vuu ka bii ɓiɓɛ ɓɛɛ. Zang bee rùu rɛɛ vuu ɓɔɔ Yeesɔ palɛ ka yeti labeenang keɓe nandon kpang.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 6:22

Nɔng naa gãntɛ, a zang dɔɔli ɓɔɔ Yeesɔ yaa ri ka nyaa rang dang ri zirɛ nɛɛ bɛ̀ɛ́ tonsi nɛɛ gbete kɔ nwani. Nɛɛ zang ɓɔɔ ri mantɛ vuu ka bii Yeesɔ ri nɛɛ vang tonsi nɛɛ wu kpang, ri nɛɛ daa ɓarɛ ka bm.

Yɔhana 6:26

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ kãa m ka ruu ɓɔɔ nɔɔ zi vuu ɓɔɔ zang zirɛ zang mã naa ka danggn ɓɔɔ n pálɛ̀ ɓɛɛ kpang. Nɔɔ kãa m manɛ ka ruu borodi ɓɔɔ nɔɔ nɛɛ shaa ka buru gaagaa ɓɛɛ.

Yɔhana 6:30

A ri hɛ̃ɛ wu tɔkn tɔɔ, “A mɔɔ pálɛ́ ɓu vi ɓɔɔ ruu zirɛ ruu mã naa ka danggn, tɔ̀ɔ, ruu shing danggn kaa bii ɓaaɓɛ viya?