Yɔhana 5:27 - Nyaa Shɔɔ Ɓɔɔ Laa a Ɓɛɛ

²⁷ Ti á Jaa naa tɔ nɛɛ wu jɛ̃ɛ zang ruu ka ruu ɓɔɔ wukɔ Jaa Shɔnzang ɓɛɛ.

Yɔhana 5:27 Σταυροειδείς Αναφορές

Matiyu 9:6

N másɛ̀ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ, ka koo keɓe, nɛɛ wu yaa zang gba lang vuu shi kpang ɓarɛ.” A Yeesɔ kɔɔ yɔɔ ɓɔɔ bii vɔ katɔ nɛɛ, “Seepaa ta, mɔɔ tuu laa ɓɔɔ zang ta mɔɔ kagn, mɔɔ daa gãa.”

Yɔhana 5:22

Daa nɛɛ yuu ɓiɓɛ jɛ̃ɛ zang ruu ɓi kpang, yaa ruu jɛ̃ɛnang piti ɓi kaa naa Jaa nandon.

Yɔhana 9:39

Yeesɔ kɔɔyi tɔɔ, “N à ka koo keɓe nɛɛ n naa basɛ teteng zang. Tɔ̀ɔ, zang ɓɔɔ ri jĩng ringtang ri zi nɔng. Zang ɓɔɔ ri zi nɔng katɔ jĩng ɓarɛ wu zuuyi.”

Zang Shonang Yeesɔ 10:42

A á ruu nyaa nɛɛ ruu kɔɔ zang Ruu Tɔ̃ɔ Laa. Rùu kɔ̀ɔ́ zang nɛɛ Laa zɔ̃ng wukɔ nɛɛ wu nwang zang ɓɔɔ naa jɛ̃̀ɛ́ rɛɛ zang ɓɔɔ vɔ katɔ, nɛɛ zang ɓɔɔ nwang doo ningkãari ruu.

Zang Shonang Yeesɔ 17:31

Ka ruu ɓɔɔ, Laa zɔ̃́ng diki tɔ gbete, ɓɔɔ wu naa jɛ̃ɛ zang koo ruu kagn ɓɛɛ. Naa jɛ̃̀ɛ zang ruu gn dang gbete kpang. Jɛ̃̀ɛ́ zang ruu nɛɛ bii zang ɓɔɔ wu zɔ̃ng ɓɛɛ. Vuu keɓe nwàng niizang ka ɓɔɔ wu wisi zang keɓe paa nɛɛ saa ɓɛɛ.”

1 Koranti 15:25

Ɓɔɔ kãntang keɓe, ɓi Kirisi kɔ kpanti, diki ɓɔɔ Laa naa ɓa yuu zang ɓɔɔ ri shing jĩng nɛɛ Kirisi kpang nandon, wu a nɛɛ mani. Laa wu ti shing ri, Yeesɔ wu naalɛ ri nɛɛ doo.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.