Yɔhana 5:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu ɓɔɔ, Yeesɔ palɛ vuu keɓe ka Diki Ɔ̃sɔnang, rɛɛ zang bang bang zang Yahudi ri gaayu gbalang kãanang ɓɔɔ ri kpãa wu ɓɛɛ.

Yɔhana 5:16 Σταυροειδείς Αναφορές

Matiyu 12:13

A Yeesɔ kɔɔ zang ɓɔɔ náa ɓakɛ katɔ tɔɔ, “Dĩi náa ɓaaɓɛ ta.” A dĩi náa ɓiɓɛ, a náa ɓiɓɛ nwang tɔ̃ɔ kaa tɔkn naa ɓɔɔ dang gbete.

Maraku 3:6

A ɓɔɔ zang Farisi ri zi naa weɓe, ri nwangkɛ, ri daa tɔ̀ng zɔɔ nɛɛ zang ɓɔɔ ri dũng Hiridu kaa naa ɓɔɔ ri naa nyɔ Yeesɔ ɓɛɛ.

Luka 6:11

Gnvɔ shaa rɛɛ Farisi nɛɛ zang ɓɔɔ ri tusu zang vuu, ri daa hɛ̃ɛlɛ zɔɔ naa vuu ɓɔɔ ri palɛ Yeesɔ ɓɛɛ.

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Yɔhana 10:39

Ri tɔɔ ri yi wu kaa tɔ tɔkn, a nwangnɛ nwĩiri daayi.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 5:10

Ka ruu nɔngkɔ, zang bang bang zang Yahudi ri kɔɔ yɔɔ ɓɔɔ zang masɛ wu ɓɛɛ nɛɛ, “Lɛ̀ɛ́kɔ Diki Ɔ̃sɔnang, mɔɔ ta nyaa dannang ɓuru tɔ, ka ruu ɓɔɔ, mɔɔ tuu siri ɓaaɓɛ lɛɛkɔ ɓɛɛ.”

Yɔhana 5:13

A ɓeekpang yɔɔ ɓɔɔ zang masɛ wu zi zang ɓɔɔ masɛ wu nung kpang, ka ruu ɓɔɔ Yeesɔ tantɛ daanang ka teteng zang dɔɔli ɓɔɔ ri kpálɛ̀ zɔɔ ka nɔng ɓɛɛ.

Yɔhana 5:15

A yɔɔ yaa nɔng, daayi daa kɔɔ zang bang bang zang Yahudi nɛɛ ɓi Yeesɔ masɛ wu.

Yɔhana 5:17

Yeesɔ kɔɔ ri tɔɔ, “Daa mɛɛ palɛ shonang ɓi doo naa, n ti palɛ shonang jong.”

Yɔhana 5:18

Ka ruu rúu kɔ wu kɔɔ ɓɛɛ, zang Yahudi ri kãa gbalang kaa gbãng gbãng nɛɛ ri nyɔ wu vɔrɔ. Wu ka ruu ɓɔɔ, wu ta nyaa ɓɔɔ zang dang ka yuu Diki Ɔ̃sɔnang kɔ shɛ̃ɛning kpang. Ka ruu ɓɔɔ, ti ɓaa Laa nɛɛ Daa ɓiɓɛ ɓɛɛ. Gãsɛ yuu ɓiɓɛ kaa teetee nɛɛ Laa.

Yɔhana 7:21

Yeesɔ kasɛ nyaa tɔɔ, “N palɛ vuu ɓɔɔ zang zirɛ zang mã naa ka danggn gbete kɔ nwani, nɔɔ mã naa tɔ ka danggn.

Yɔhana 7:25

A zang ɓɔɔ ka teteng zang Urushalima ri hɛ̃ɛyi nɛɛ, “Wee ɓi yɔɔ ɓɔɔ zang kãayi nɛɛ zang nyɔ wu vɔrɔ kpang ya?