Yɔhana 5:15 - Nyaa Shɔɔ Ɓɔɔ Laa a Ɓɛɛ

¹⁵ A yɔɔ yaa nɔng, daayi daa kɔɔ zang bang bang zang Yahudi nɛɛ ɓi Yeesɔ masɛ wu.

Yɔhana 5:15 Σταυροειδείς Αναφορές

Maraku 1:45

Yɔɔ ɓɔɔ vuu bii shaa kaɓa, daayi daa kɔ̀ɔrɔ̀ zang vuu ɓɔɔ Yeesɔ pàlɛ̀ wu ɓi doo nɛɛ mani. Ka ruu nɔngkɔ, Yeesɔ walɛ gbalang ɓɔɔ wu nwang bii ka dalɛ, wu daa gari ɓɔɔgn takpang. Nwalɛ kaa nɔng ɓɔɔ zang kagn kpang ɓɛɛ. Zang ti daa bii Yeesɔ ɓi doo nɛɛ mani, nɛɛ nɔng piti, piti.

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Yɔhana 4:29

“Nɔɔ arɛ nɔɔ zi yɔɔ ɓɔɔ kɔɔ m vuu ɓɔɔ n pálɛ́ ka tĩng ɓɛɛ nandon. Naa ɓu bɛ̀ɛ́ Kirisi kɔ ya?”

Yɔhana 5:10

Ka ruu nɔngkɔ, zang bang bang zang Yahudi ri kɔɔ yɔɔ ɓɔɔ zang masɛ wu ɓɛɛ nɛɛ, “Lɛ̀ɛ́kɔ Diki Ɔ̃sɔnang, mɔɔ ta nyaa dannang ɓuru tɔ, ka ruu ɓɔɔ, mɔɔ tuu siri ɓaaɓɛ lɛɛkɔ ɓɛɛ.”

Yɔhana 5:12

A ri hɛ̃ɛ wu nɛɛ, “Ɓu wi zang ɓɔɔ kɔɔ mɔɔ nɛɛ mɔɔ tuu siri ɓaaɓɛ mɔɔ rarɛ wiya?”

Yɔhana 5:16

Ka ruu ɓɔɔ, Yeesɔ palɛ vuu keɓe ka Diki Ɔ̃sɔnang, rɛɛ zang bang bang zang Yahudi ri gaayu gbalang kãanang ɓɔɔ ri kpãa wu ɓɛɛ.

Yɔhana 5:18

Ka ruu rúu kɔ wu kɔɔ ɓɛɛ, zang Yahudi ri kãa gbalang kaa gbãng gbãng nɛɛ ri nyɔ wu vɔrɔ. Wu ka ruu ɓɔɔ, wu ta nyaa ɓɔɔ zang dang ka yuu Diki Ɔ̃sɔnang kɔ shɛ̃ɛning kpang. Ka ruu ɓɔɔ, ti ɓaa Laa nɛɛ Daa ɓiɓɛ ɓɛɛ. Gãsɛ yuu ɓiɓɛ kaa teetee nɛɛ Laa.

Yɔhana 9:15

Zang Farisi ri hɛ̃ɛ wu tɔkn naa ɓɔɔ jĩng ɓiɓɛ zi nɔng kaa tɔkn ɓɛɛ. Yɔɔ kɔɔ ri tɔɔ, Yɔɔ bɔɔlɔ m tapɔng ka jĩng, n sɔɔ jĩng mɛɛ, a n zi nɔng kati.

Yɔhana 9:25

Yɔɔ ɓɔɔ Yeesɔ másɛ́, kasɛ ri nyaa tɔɔ, “Naa ti zang ɓɔɔ palɛ vuu shi kpang ya, n zi kpang. Vuu ɓɔɔ n zirɛ ɓi gbete. N zi m ɓɔɔ ɓeleng, bɛ̀ɛ́ n jĩng ringtang, kãntang keɓe n zi nɔng kaa tɔ ɓɛɛ kɔ shɛ̃ɛning.”

Yɔhana 9:30

Yɔɔ kasɛ nyaa, “Wee vuu ɓɔɔ zang mã naa ka danggn ɓɛɛ. Yɔɔ kaɓa masɛ jĩng mɛɛ. Nɔɔ kɔɔ biya nɛɛ nɔɔ zi nɔng ɓɔɔ wu a nɛɛ mani kpang viya?

Yɔhana 9:34

Ri kasɛ nyaa tɔɔ, “Ɓɔɔ zang yi mɔkɔ ka yeti vuu shi kpang kirik, mɔɔ nɛɛ mɔɔ tusu rukɔ vuu ya?” Ri hing wu ka biling.