Yɔhana 5:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu nɔngkɔ, zang bang bang zang Yahudi ri kɔɔ yɔɔ ɓɔɔ zang masɛ wu ɓɛɛ nɛɛ, “Lɛ̀ɛ́kɔ Diki Ɔ̃sɔnang, mɔɔ ta nyaa dannang ɓuru tɔ, ka ruu ɓɔɔ, mɔɔ tuu siri ɓaaɓɛ lɛɛkɔ ɓɛɛ.”

Yɔhana 5:10 Σταυροειδείς Αναφορές

Matiyu 12:10

A zang ɓɔɔ náa ɓiɓɛ ɓakɛ katɔ kagn nɔngkɔ. A zang ɓɔɔ ri kãa ruu nɛɛ Yeesɔ, hɛ̃ɛ wu tɔɔ, “Labeenang Laa ɓɔɔ Musa beeyi kasɛ katɔ nɛɛ zang wu masɛ zang ka Diki Ɔ̃sɔnang ya?”

Maraku 2:24

A zang Farisi hɛ̃ɛ Yeesɔ tɔɔ, “Zirɛ zang ɓaaɓɛ ri palɛ shonang ka Diki Ɔ̃sɔnang ka ruu viya?”

Maraku 3:4

A Yeesɔ hɛ̃ɛ ri tɔɔ, “Labeenang Laa ɓɔɔ Musa beeyi kasɛ katɔ, nɛɛ ruu palɛ tɔ̃ɔ ka Diki Ɔ̃sɔnang ya, kɔ nɛɛ ruu palɛ vuu shi kpang? Nɛɛ ruu ta yuu zang ya, kɔ nɛɛ ruu nyɔ zang vɔrɔ katɔ kɔ jong?” Ri ãa nyaa kpang.

Luka 13:14

Gnvɔ shaa zang bang gãa zɔɔ kpalɛnang dɔɔli, ka ruu ɓɔɔ, Yeesɔ masɛ zang kɔnang ka Diki Ɔ̃sɔnang ɓɛɛ. A yɔɔ zang bang rang yee, kɔɔ zang tɔɔ, “Diki mangbete ɓɔɔ zang palɛ shɔɔnang kagn, nɔɔ a ka diki kaɓa kɔ, tɔ̀ɔ, zang masɛ nɔɔ, nɔɔ a ka Diki Ɔ̃sɔnang kpang.”

Luka 23:56

Ri gbãayu ka gãa, ri daa palɛ nung, ɓɔɔ a sɛ̃ɛ tɔ̃ɔ nɛɛ nung ɓɔɔ zang tũuru vɔrɔ ka bii ɓɛɛ. Ri ɔ̃sɔ ka Diki Ɔ̃sɔnang naa ɓɔɔ nyaa dannang Laa kɔɔ ɓɛɛ.

Luka 6:2

Ɓɔɔ zang Farisi ri zi naa weɓe, ri hɛ̃ɛyi, ri tɔɔ, “Nɔɔ ɓá nyaa ɓɔɔ Laa dang ka ruu vi, nɔɔ palɛ shonang ka Diki Ɔ̃sɔnang viya?”

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Yɔhana 5:11

Yɔɔ kasɛ ri nyaa tɔɔ, “Yɔɔ ɓɔɔ masɛ m kɔ, kɔɔ m nɛɛ, Tuu siri ɓaaɓɛ ta mɔɔ rarɛ.”

Yɔhana 5:15

A yɔɔ yaa nɔng, daayi daa kɔɔ zang bang bang zang Yahudi nɛɛ ɓi Yeesɔ masɛ wu.

Yɔhana 5:16

Ka ruu ɓɔɔ, Yeesɔ palɛ vuu keɓe ka Diki Ɔ̃sɔnang, rɛɛ zang bang bang zang Yahudi ri gaayu gbalang kãanang ɓɔɔ ri kpãa wu ɓɛɛ.

Yɔhana 7:23

Naa zang yee jaa shaa katɔ ka Diki Ɔ̃sɔnang, ka ruu ɓɔɔ, zang nɛɛ ta nyaa ɓɔɔ Musa dang ɓɛɛ, a nɔɔ lasɛ yeti nɛɛ n ka ruu ɓɔɔ n masɛ shɔnzang ka Diki Ɔ̃sɔnang ka ruu viya?

Yɔhana 9:16

Ka teteng zang Farisi bìí, zang ɓɔɔ ri kɔɔyi nɛɛ, “Yɔɔ ɓɔɔ palɛ vuu keɓe, a ɓi nɛɛ bii Laa kpang, ka ruu ɓɔɔ dũng nyaa ɓɔɔ zang dang ka yuu Diki Ɔ̃sɔnang ɓi kpang ɓɛɛ.” Zang ɓɔɔ ri ti kɔɔ ɓarɛ, nɛɛ, “Naa yɔɔ keɓe nɛɛ zang ɓɔɔ palɛ vuu shi kpang, nɛɛ zunung ɓɔɔ wu palɛ rɛɛ vuu ɓɔɔ zang zirɛ, zang mã naa ka danggn, naa rɛɛ wee wu pálɛ̀ ɓee kpang.” A ri basɛ zɔɔ kaa nɔ́ngkɔ̀.