Yɔhana 4:6 - Nyaa Shɔɔ Ɓɔɔ Laa a Ɓɛɛ

⁶ Toomii ɓɔɔ Yakubu ɓeeyi kagn nɔngkɔ. Yeesɔ lee tɔ, ka ruu doo ɓɔɔ wu ra ɓɛɛ, a naa nwang ka nyaa toomii bìí, bɛ̀ɛ́ laa kaa dalɛ yuu.

Yɔhana 4:6 Σταυροειδείς Αναφορές

Matiyu 27:45

Nɔng tɔ̀ɔ ka tipi kaɓa nandon nɛɛ laagɛ̃ sasak, laa naa kpɛ̃ɛ nɛɛ mani.

Matiyu 4:2

Yeesɔ seng nyaalaa tɔ ka waala diki laa ziti, a nyɔkɔ naa nyɔ wu kati.

Matiyu 8:24

Ri daa kana, a jasung bang naa seepaa rannang ka yuu waapo. A mii ɓɔɔ gɔnsɔ zɔɔ, kpalɛ ka bii tonsi. Tonsi nɛɛ wu ɔ̃ɔ katɔ. A Yeesɔ roo ɓi kaa tɔ.

Luka 2:7

a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Luka 9:58

A Yeesɔ kɔɔ wu tɔɔ, “Yeng rɛɛ yaka jĩngti kagn, a saara jaaning ti kagn, a gãa ɓɔɔ Jaa shɔnzang roo ɓi kagn kpang.”

Yɔhana 11:9

Yeesɔ kɔɔ ri tɔɔ, “Laa nɛɛ nwáng tɔ, palɛ saka kopi tu ziti tɔɔ wu hãa nyaa kpang ya? Zang ɓɔɔ rakɛ nɛɛ laagɛ̃, kpaa doo ɓi kpang, ka ruu ɓɔɔ, vuu ɓɔɔ yakɛ koo, yakɛ nɔng katɔ ɓɛɛ.

Yɔhana 4:12

Toomii keɓe ɓi dabang ɓuru Yakubu a ruu. Ti ɓóo mii kagn, nɛɛ wujɛ ɓiɓɛ, nɛɛ vuu vaa ɓiɓɛ piti, a naa vɔrɛ. Mɔɔ ɓá dabang ɓuru Yakubu ɓaa ɓu kaa tɔ ya?”

Yɔhana 4:5

A naa a kaa gari Sayika ka tipi Samariya. Gari bìí naabm nɛɛ tipi, jaa lannang, ɓɔɔ Yakubu a jaa ɓiɓɛ Yusufu ɓɛɛ.

Yɔhana 4:7

A jaa soro tipi Samariya arɛ nɛɛ wu naa wɔ mii. Yeesɔ gaa wu nɛɛ, “A m mii jong n ɓooyi.”

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 4:15

Ka ruu ɓɔɔ, kpanti zang ɓɔɔ ri dɔɔ vuu ka gãa Laa, ɓɔɔ ɓuru, gn ɓuru kɔng wu katɔ, ka ɓɔɔ ruu lakɛ naa ka bii kpang ɓɛɛ. Kpanti ɓuru keɓe ɓi zang ɓɔɔ zang gãsɛ wu katɔ ka gbalang náabm̀ náabm̀, naa ɓɔɔ zang gãsɛ ruu ɓɛɛ. A palɛ vuu shi kpang ɓi kaa takpang.