Yɔhana 4:53 - Nyaa Shɔɔ Ɓɔɔ Laa a Ɓɛɛ

⁵³ Daa jaa kpaa danggn kati nɛɛ Yeesɔ nɛɛ kɔɔ ka laa kaɓa kɔ nɛɛ, “Dita, jaa ɓaaɓɛ nwáng ningkãari, vɔ kpang.” Ka ruu nɔngkɔ, yɔɔ nɛɛ zang gãa ɓiɓɛ nandon ri shing danggn kati.

Yɔhana 4:53 Σταυροειδείς Αναφορές

Matiyu 8:13

A Yeesɔ kɔɔ yɔɔ zang bang sɔɔja tɔɔ, “Dita, vuu keɓe nwang ditɔ, naa ɓɔɔ mɔɔ shing danggn ka bìí Laa ɓɛɛ.” A bii valɛ zang shonang yɔɔ ɓɔɔ roo kɔnang ka gãa ɓɛɛ, kaa tantɛnang ka laa ɓɔɔ Yeesɔ rang yee nɛɛ wu ɓɛɛ.

Luka 19:9

A Yeesɔ kɔɔ Zaka tɔɔ, “Lɛɛkɔ Laa ta yuu zang ɓɔɔ ri ka gãa keɓe tɔ. Ka ruu ɓɔɔ, mɔɔ ɓaa doo jaa Ibirayi kɔ ɓɛɛ.

Yɔhana 4:51

Dàá gãa kana, a zang ɓɔɔ ri pàlɛ́ wu shonang, ri kpisi wu yuu ka gbalang, ri kɔɔ wu tɔɔ, “Bii jaa ɓaaɓɛ valɛ tɔ.”

Yɔhana 4:52

A hɛ̃ɛ ri laa ɓɔɔ bii jaa valɛ kagn ɓɛɛ. Ri kɔɔ wu nɛɛ bii ɓɔɔ zaa jaa nɛɛ yaa wu nɔng ka ɓɔɔrɔ, bɛ̀ɛ́ laa nɛɛ kpɛ̃ɛ doo tɔkɔlɔng waati.

Zang Shonang Yeesɔ 11:14

Naa kɔ̀ɔ́ mɔɔ ruu ɓɔɔ ta yuu ɓaaɓɛ nɛɛ zang ɓɔɔ ri ka yeti gãa ɓaaɓɛ nandon.’

Zang Shonang Yeesɔ 16:15

Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Zang Shonang Yeesɔ 16:34

A see Bulu nɛɛ Siila daa nɛɛ ri ka gãa ɓiɓɛ. Daa a ri vuu shaanang nɛɛ ri shaayi. Wu nɛɛ zang ɓɔɔ ka gãa ɓiɓɛ nandon, ri tãa tĩnang dɔɔli, ka ruu ɓɔɔ, ri shing danggn tɔ, ka bìí Laa ɓɛɛ.

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 2:39

Ka ruu ɓɔɔ, bɛ̀ɛ́ Laa á nyaa ɓi ka ruu manɛ kɔ nɛɛ wujɛ manɛ ɓɛɛ. A ɓɔɔ ti ka ruu zang ɓɔɔ bɛ̀ɛ́ ri naabm ka bii Laa kpang. Suru keɓe, ka ruu zang piti ɓɔɔ Laa ɓɔɔ wukɔ Kpanti ɓuru” naa ɓaa ri nyaa ɓɛɛ.