Yɔhana 4:15 - Nyaa Shɔɔ Ɓɔɔ Laa a Ɓɛɛ

¹⁵ A jaa soro kɔɔ wu tɔɔ, “Maalang, a m mii keɓe karɛ, tɔ̀ɔ, sutu wu mãa m takpang, ń ti alɛ nihn takpang, nɛɛ n wɔ mii kpang.”

Yɔhana 4:15 Σταυροειδείς Αναφορές

Yɔhana 4:16

Yeesɔ kɔɔ wu tɔɔ, “Daayi mɔɔ daa ɓaa ɓaavɛ nyaa, nɔɔ arɛ.”

Yɔhana 6:26

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ kãa m ka ruu ɓɔɔ nɔɔ zi vuu ɓɔɔ zang zirɛ zang mã naa ka danggn ɓɔɔ n pálɛ̀ ɓɛɛ kpang. Nɔɔ kãa m manɛ ka ruu borodi ɓɔɔ nɔɔ nɛɛ shaa ka buru gaagaa ɓɛɛ.

Yɔhana 6:34

Ri gàa wu nɛɛ, “Maalang, alɛ ruu kaa borodi keɓe kɔ diki diki.”

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 8:5

Zang ɓɔɔ ri nwàng ɓarɛ ka naa ɓɔɔ bii shɔnzang ɓarɛ kɔɔ ri nɛɛ ri nwang ɓɛɛ, ri rɛ̃rɛ ɓarɛ naa ɓɔɔ bii ɓarɛ kasɛ ɓɛɛ. Zang ɓɔɔ ri nwàng naa ɓɔɔ Suru kɔɔ ri nɛɛ ri nwangnɛ, ri rɛ̃rɛ ɓarɛ ka yuu vuu ɓɔɔ Suru kasɛ ɓɛɛ.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

Yakubu 4:3

Nɔɔ nɛɛ ti gaa tɔ, a nɔɔ kpang, ka ruu ɓɔɔ, nɔɔ gàa ka gbalang shi kpang ɓɛɛ. Tɔ̀ɔ, nɔ́ɔ daa vãlɛ ka nɔng vuu ɓɔɔ nɔɔ kasɛ ɓɛɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.