Yɔhana 4:10 - Nyaa Shɔɔ Ɓɔɔ Laa a Ɓɛɛ

¹⁰ Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 4:10 Σταυροειδείς Αναφορές

Luka 11:13

Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”

Yɔhana 16:3

Zang ri palɛ nɔɔ vuu keɓe, ka ruu ɓɔɔ, ri zi Daa kpang, ri ti zi m kpang kɔ doori ɓɛɛ.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Zang Shonang Yeesɔ 9:11

A Yeesɔ kɔɔ wu tɔɔ, “Yupaa mɔɔ daa ka gãa Yahuda ɓɔɔ ka gbalang ɓɔɔ zang ɓaa nɛɛ, ‘Gbalang ɓɔɔ shiiri katɔ’ ɓɛɛ, mɔ́ɔ daa hɛ̃ɛ nɔng yɔɔ gari Taasu, ɓɔɔ zang ɓaa wu nɛɛ Shaawulu ɓɛɛ. Kãntang keɓe, gaa Laa kana.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 10:4

Ri nandon ri ɓooro mii ɓɔɔ Laa a ri ɓɛɛ. Mii ɓɔɔ ri ɓoo ɓɛɛ, nwang nɛɛ yeti tari ɓɔɔ daarɛ nɛɛ ri ka ɓɔɔ ri rakɛ ka jĩngti ɓɛɛ. Tari kaɓa wukɔ Yeesɔ Kirisi nɛɛ yuu ɓiɓɛ.

2 Koranti 9:15

Ruu zãa Laa ka ruu vuu ɓɔɔ wu a ruu ɓɛɛ, vuu ɓɔɔ zang ɓɔɔ zunung ɓɔɔ wu gãsɛ kpang ɓɛɛ.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Yahudi 6:4

Ka ruu ɓɔɔ, naa zang ɓɔɔ ri a tɔ kagn ri zi gbalang Laa tɔ, Laa ti a ri vuu ɓɔɔ wu a zang nɛɛ lapa tɔ, a ri ti walɛ Suru Laa tɔ jong,

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.

Vuu ɓɔɔ zang nwangsɛ Yɔhana 7:17

Ka ruu ɓɔɔ, Jaa Mɛ̀ɛrɛ́ ɓɔɔ ka nɔng laa nwannang kpanti gãng jĩng katɔ ka ri ɓɛɛ. Sɔ̀ɔ ri tĩng, atɛ ri ka rang mii ɓɔɔ a zang suru bii ɓɔɔ waa nyaa kpang ɓɛɛ. Laa ti naa àlɛ́ ri miiri nandon ka jĩng ɓarɛ.”