Yɔhana 4:1 - Nyaa Shɔɔ Ɓɔɔ Laa a Ɓɛɛ

¹ Yeesɔ zirɛ nɛɛ zang Farisi ri tãa nyaa tɔ, nɛɛ wu walɛ zang ɓɔɔ ri mantɛ vuu ka bii ɓiɓɛ tɔ dɔɔli, nɛɛ wu ti pàlɛ́ zang batizima kana dɔɔli ɓa ɓɔɔ Yɔhana palɛ ɓɛɛ katɔ.

Yɔhana 4:1 Σταυροειδείς Αναφορές

Luka 1:76

A raa jĩng ka bii jaa rɛ̃ɛting a kɔɔ jaa tɔɔ, “Jaa mɛɛ, zang naa ɓaa mɔɔ nɛɛ zang nyaa shonang Laa, ka ruu ɓɔɔ, mɔɔ naa sɔ̀ɔ́ Kpanti ɓɔɔ naa a ɓɛɛ tĩng, mɔɔ pàlɛ́ wu gbalang ɓɛɛ.

Luka 19:31

Zang ɓɔɔ nɛɛ hɛ̃ɛ nɔɔ nɛɛ ‘Nɔɔ kã̀lɛ́ ka ruu viya?’ Nɔɔ kɔɔ wu nɛɛ ‘Dabang ɓuru kasɛ katɔ.’ ”

Luka 19:34

A ri kɔɔ wu tɔɔ, “Dabang ɓuru kasɛ katɔ.”

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Luka 7:19

A Yɔhana ɓaa nyaa ka zang ɓɔɔ ri mantɛ vuu ka bii ɓiɓɛ ziti, a shong ri ka bii Yeesɔ. Yɔhana tɔɔ, ri daa hɛ̃ɛ Yeesɔ nɛɛ, “Wukɔ zang ɓɔɔ zang tɔɔ naa a ɓɛɛ ya? Kɔ, ruu gãng jĩng ka zang ɓɔɔgn?”

Yɔhana 3:22

Kaa nɛɛ knti, Yeesɔ nɛɛ zang ɓɔɔ ri mantɛ vuu ka bii ɓiɓɛ, ri daa ka tipi Yahudi. Ri daa nwang ka nɔngkɔ, ri pàlɛ́ zang batizima.

Yɔhana 3:26

A ri daa ka bii Yɔhana ri kɔɔ wu nɛɛ, “Maalang, yɔɔ ɓɔɔ ɓeleng mɔɔ nɛɛ wu ka rang Urudung dang, ɓɔɔ mɔɔ kɔɔ rúu tɔ̃ɔ ka yuu ɓiɓɛ ɓɛɛ, pàlɛ́ zang batizima kana. Zang ri daarɛ kana bii ɓiɓɛ nandon.”

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

1 Koranti 1:17

Yeesɔ Kirisi shong m nɛɛ, n naa pàlɛ̀ zang wu batizima kpang. Shong m nɛɛ n naa kɔɔ zang Ruu Tɔ̃ɔ Kpanti Laa. N nyɔ zang wu nɛɛ nyaa waati kpang, n ti kɔɔ zang ruu nɛɛ zũnang yuu mɛɛ kpang. Tɔ̀ɔ, zang ri zi kati nɛɛ naa vuu palɛnang kagn ka vɔrɔ ɓɔɔ Kirisi vɔ ka yuu laa ɓɛɛ.

1 Koranti 15:47

Laa mãa Adamu ɓɔɔ tĩng shɔɔnang ɓi nɛɛ tapuru ɓɔɔ ka tipi ɓɛɛ. Adamu ɓɔɔ ɓang wu, a ɓi nɛɛ lapa.

1 Koranti 2:8

Zang ɓɔɔ kagn gbete, ka teteng zang ɓɔɔ ri roo kpanti ka koo keɓe ɓɔɔ zi zũnang keɓe kagn ɓɛɛ kpang. Naa ri nɛɛ zi katɔ, ri nɛɛ ɓáa Kpanti Yeesɔ Kirisi ɓɔɔ wukɔ ɓa zang bannang piti, naa ka laa kpang.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Yakubu 2:1

Manzung, nɔ́ɔ palɛ vuu dang gbete kpang. Ka ruu ɓɔɔ, nɔɔ shing danggn tɔ ka bii kpanti Yeesɔ Kirisi ɓɔɔ zang a wukɔ bannang ɓa zang piti ɓɛɛ.

Vuu ɓɔɔ zang nwangsɛ Yɔhana 19:16

Ka fɔ̃ɔrɔ ɓiɓɛ, nɛɛ doo sãng ɓiɓɛ, zang bee nung ɓiɓɛ kagn nɛɛ, “Kpanti ɓɔɔ ka yuu rɛɛ kpanti nandon ɓɛɛ, kpanti roonang ɓiɓɛ ɓa ɓɔɔ kpanti piti.”