Yɔhana 3:5 - Nyaa Shɔɔ Ɓɔɔ Laa a Ɓɛɛ

⁵ Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Yɔhana 3:5 Σταυροειδείς Αναφορές

Matiyu 18:3

A kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, naa nɔɔ risi yuu manɛ, nɔɔ nwang naa wujɛ seseere kpang, nɔɔ naa daa nɔng ɓɔɔ Laa roo kpanti kagn kpang.

Matiyu 19:24

N kɔɔ nɔɔ tɔkn, daanang zang ɓɔɔ vuu naa ɓarɛ kagn ka nɔng ɓɔɔ Laa roo kpanti, kpãa nyaa ɓa ɓɔ̀ɔ vuu vaa ɓɔɔ zang ɓaa nɛɛ hòlòng ɓú nɛɛ yeng shɔng fɔ̃ɔrɔ ɓɛɛ katɔ.”

Matiyu 21:31

A Yeesɔ hɛ̃ɛ ri tɔɔ, “Ka teteng wujɛ ziti kaɓa, zang gbete ɓɔɔ palɛ vuu ɓɔɔ daa ɓarɛ kasɛ, ɓu wiya?” A ri kasɛ wu nyaa tɔɔ, “Jaa ɓiɓɛ ɓɔɔ bang ɓɛɛ.” A Yeesɔ naa risi nyaa kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ ri ta saka tipi, nɛɛ zang soro ɓɔɔ shing jĩng ka varɛ kãanang, ri yee nɔɔ yuu daanang nɔng ɓɔɔ Laa roo kpanti kana.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Matiyu 5:20

N kɔɔ nɔɔ naa tɔ̃ɔ manɛ ɓá ɓɔ̀ɔ́ zang ɓɔɔ ri tusu zang labeenang nɛɛ ɓɔ̀ɔ́ zang Farisi kpang, nɔɔ naa daa manɛ ka nɔng ɓɔɔ Laa naa roo kpanti kpang tingkiring.”

Maraku 10:14

Ɓɔɔ Yeesɔ zi naa weɓe, gnvɔ shaa wu dɔɔli, a kɔɔ zang ɓɔɔ ri mantɛ vuu ka bii ɓiɓɛ nɛɛ, “Nɔɔ yaa wujɛ seseere ka nɔngkɔ ri a ka bii mɛɛ, nɔ́ɔ zãa ri anang kpang. Kpanti roonang Laa ɓi ɓɔ̀ɔ́ zang ɓɔɔ naa weɓe kɔ.

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Maraku 9:47

Jĩng ɓaaɓɛ kɔ nɛɛ dɔ̃ mɔɔ, nɛɛ mɔɔ palɛ vuu shi kpang, zɔ̃ng ta mɔɔ tasɛ. Daa nɔng ɓɔɔ Laa roo Kpanti nɛɛ jĩng dang gbete gbã̀ágbãa, ka nung ɓɔɔ zang tasɛ mɔɔ nɛɛ jĩng ɓaaɓɛ ziti piti ka waa ɓɔɔ ning ɓi kpang ɓɛɛ.

Luka 13:24

“Nɔɔ lakɛ yuu, nɔɔ tu yeti gãa nɛɛ nyaa gãa ɓɔɔ tɔ̃ntɔ̃rɔng ɓɛɛ, ka ruu ɓɔɔ, n kɔɔ nɔɔ, zang dɔɔli ri naa kãa gbalang tunang, ri walɛ kpang ɓɛɛ.

Luka 13:3

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang, nɔɔ naa vɔ̀lɔ́ doo nɔngkɔ nandon.

Luka 13:5

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang nɔɔ naa vɔlɔ doo nɔngkɔ nandon.”

Yɔhana 1:13

Zang keɓe Laa yi ri. Zang yi ri naa ɓɔɔ shɔnzang yi jaa ɓɛɛ kpang. Zang ti yi ri nɛɛ bii shɔnzang kpang. Ɓi ti ka gbalang ɓɔɔ zang varɛ kasɛ ɓɛɛ kpang. Laa nɛɛ yuu ɓiɓɛ ɓi wukɔ Daa ɓarɛ.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:4

Nikodimu hɛ̃ɛ wu tɔɔ, “Zang yi zang biya tɔkn, zang nɛɛ bang tɔ viya? Zang tú tɔkn ka yeti nàá zang, tɔ̀ɔ, nàá zang wu yi zang tɔkn daa kaa dakn ziti ya?”

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

1 Koranti 15:50

Manzung, n kɔ̀ɔ́ nɔɔ nɛɛ vuu ɓɔɔ zang mãa nɛɛ yɔpɔ nɛɛ kaka, a ɓɔɔ zĩi, daa nɔng ɓɔɔ Laa roo kpanti ɓi kpang. Vuu ɓɔɔ pṹng katɔ, nwang vuu ɓɔɔ pũ̀ng kpang ɓi kpang.

1 Koranti 2:12

Suru ɓɔɔ Laa shìng ruu ka yeti ɓuru, ɓi Suru ɓiɓɛ, ɓi ɓɔɔ koo keɓe kpang. Suru keɓe kɔ shing ruu, ruu zi vuu piti ɓɔɔ Laa á ruu waati ɓɛɛ.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.

Afisa 5:26

Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.