Yɔhana 3:29 - Nyaa Shɔɔ Ɓɔɔ Laa a Ɓɛɛ

²⁹ Sinyɛ ɓeevɛ ɓi wukɔ zang sinyɛ. Sinyɛ ɓeevɛ ɓeesang ɓɔɔ shiiyi, ɓaa shoo, tãa tĩnang dɔɔli nɛɛ tãa yee sinyɛ ɓeevɛ tɔ ɓɛɛ. N tãa tĩnang m doo nɔngkɔ. Tĩnang mɛɛ ti daa ɓi tɔ kiiri.”

Yɔhana 3:29 Σταυροειδείς Αναφορές

Matiyu 22:2

“Kpanti ɓɔɔ Laa rooyi nwang naa ruu yɔɔ Kpanti ɓɔɔ palɛ jaa ɓiɓɛ ɓɔɔ varɛ vuu shaanang kn sinyɛ ɓɛɛ.

Matiyu 25:1

“Ka diki kaɓa kpanti roonang Laa naa nwang naa ruu rɛɛ ja soo kopi ɓɔɔ ri daa kn sinyɛ shaanang ɓɛɛ. Ri yaka waa zàáng sɔɔ nɛɛ ri daa ɓee sinyɛ ɓeevɛ yuu.

Matiyu 9:15

Yeesɔ kasɛ ri nyaa tɔɔ, “Sinyɛ ɓeevɛ ɓeesang ri seng nyaalaa ka diki ɓɔɔ, sinyɛ ɓeevɛ doo nɛɛ ri ɓɛɛ ya? Diki ɓɔɔ zang naa tuu sinyɛ ɓeevɛ kagn a doo naa, tɔɔ ri naa seng nyaalaa kati.

Luka 15:6

Nɛɛ shɛ̃ɛ gãa tɔ, wu ɓaarɛ nyaa ka rɛɛ ɓeesang nɛɛ zang ɓɔɔ ri roo nyaa gãa gbete ɓɛɛ, nɛɛ ri naa shaa vuu shaanang, ri tãa tĩnang nɛɛ wu, ka ruu ɓɔɔ, wu ĩi mɛ̀ɛrɛ́ ɓiɓɛ ɓɔɔ ning ɓɛɛ.

Yɔhana 15:11

“N kɔ̀ɔ́ nɔɔ vuu keɓe, tɔ̀ɔ, nɔɔ tãa tĩnang ɓɔɔ n tãa ɓɛɛ kaa jong. Tĩnang manɛ wu nwang kaa nyaa kiiri.

Yɔhana 16:24

Nɔɔ gàa vuu gngn nɛɛ nung mɛɛ kpang, nɔɔ gàa ta, tɔɔ Laa wu a nɔɔ, tɔ̀ɔ, tĩnang manɛ wu nwang kaa nyaa kiiri.”

Yɔhana 17:13

Kãntang keɓe, n gbãayu kaa tɔ ka bii ɓaaɓɛ. Wee n dòo ka koo nɛɛ ri ɓee, n kɔ̀ɔ́ vuu keɓe, tɔ̀ɔ, ri tãa tĩnang ɓɔɔ n tãa ɓɛɛ kaa jong. Tĩnang ɓarɛ wu ti nwang kaa nyaa kiiri.

Yɔhana 3:30

Bannang ɓiɓɛ daa ɓi ditɔ nɛɛ tĩng, n ti gbãayu m kaa nɛɛ knti kɔ jong.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

Filipi 2:2

N gaa nɔɔ katɔ rɛ̃rɛnang manɛ wu daa gbete, nɔ́ɔ kasɛ ruu zɔɔ katɔ, nɔ́ɔ ti ɓakɛ yuu nɛɛ zɔɔ, nɔ́ɔ kasɛ nyaa zɔɔ katɔ, tɔ̀ɔ, n tãa tĩnang kaa nyaa kiiri.

1 Yɔhana 1:4

Ruu bèé nɔɔ ruu keɓe, tɔ̀ɔ, tĩnang tãanang ɓuru wu ɓee nyaa kati.

2 Yɔhana 1:12

Vuu ɓɔɔ n kasɛ nɛɛ n kɔ̀ɔ́ nɔɔ ka gn dɔɔli, a n bèe nɔɔ kaa takpang, ka ruu ɓɔɔ, n kasɛ n tɔɔ n naa leng nɔɔ, n kɔɔ nɔɔ kaa nɛɛ nyaa mɛɛ, jĩng ɓuru wu zi zɔɔ, tɔ̀ɔ tĩnang tàanang ɓuru wu nwang kaa nyaa kiriri.

Vuu ɓɔɔ zang nwangsɛ Yɔhana 21:9

A zang gbete, ka teteng zang nyaa shonang Laa ɓɔɔ ri ka lapa ɓɛɛ, ɓɔɔ ri manziti kaɓa, ɓɔɔ ri yiti waka ka naa manziti, ɓɔɔ kɔnang manziti kagn ɓɛɛ. Kɔnang diki ɓɔɔ koo naa waa nyaa kagn ɓɛɛ. A ka bii mɛɛ, a kɔɔ m nɛɛ “Arɛ, n tusu mɔɔ sinyɛ, jaa soro Jaa Mɛ̀ɛrɛ́.”