Yɔhana 3:21 - Nyaa Shɔɔ Ɓɔɔ Laa a Ɓɛɛ

²¹ Zang ɓɔɔ palɛ vuu ɓɔɔ niizang ɓɛɛ, á ɓi katɔ ka nɔng ɓɔɔ yakɛ katɔ ɓɛɛ, tɔ̀ɔ, zang zi kati nɛɛ vuu ɓɔɔ wu pálɛ̀, ɓi Laa yi wu naa kagn.

Yɔhana 3:21 Σταυροειδείς Αναφορές

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

Yɔhana 3:20

Zang ɓɔɔ pálɛ̀ vuu shi kpang, kasɛ ruu nɔng yakɛnang ɓi kpang. À nɔng ɓɔɔ yakɛ katɔ ɓi kpang, ka ruu ɓɔɔ, kasɛ nɛɛ zang zi vuu shi kpang ɓiɓɛ kpang ɓɛɛ.

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

Galati 6:8

Naa zang ɓɔɔ ɓaa vuu shi kpang ɓɔɔ bii shɔnzang ɓiɓɛ kasɛ ɓɛɛ, ti naa nwǎng wu ɓi vɔrɔ. Zang ɓɔɔ nɛɛ ɓayi, nɛɛ tɔɔ Suru Laa wu tãa tĩnang, naa nwǎng wu suru bii ɓɔɔ waa nyaa kpang ɓɛɛ.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Yɔhana 1:6

Naa ruu kɔɔyi nɛɛ, ruu nwàng nɛɛ wu ka nyaa zɔɔ tɔ̃ɔ tɔ̃ɔ, a ruu ti palɛ vuu ɓɔɔ daa bii kpang, ruu suu sèé, ruu pálɛ̀ vuu ɓɔɔ Laa kasɛ ɓɛɛ kpang.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.

Vuu ɓɔɔ zang nwangsɛ Yɔhana 3:15

N zi shonang ɓɔɔ nɔɔ palɛ ɓɛɛ tɔ. Nɔɔ nwãa katɔ kpang, nɔɔ ti valɛ katɔ kpang. Nɔɔ nɛɛ ti nwãa katɔ, kɔ nɔɔ nɛɛ valɛ katɔ.