Yɔhana 3:16 - Nyaa Shɔɔ Ɓɔɔ Laa a Ɓɛɛ

¹⁶ Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 3:16 Σταυροειδείς Αναφορές

Matiyu 9:13

Nɔɔ kãa dĩiri yèé Laa ɓɔɔ kɔɔyi tɔɔ, ‘N kasɛ m ruu vuu vaa ɓɔɔ zang dɔɔ m kpang, n kasɛ nɛɛ gn zɔɔ wu kɔng nɔɔ katɔ kɔ jong.’ N arɛ, nɛɛ n naa ɓaa nyaa ka zang tɔ̃ɔ nɛɛ ri kɔ̃sɔ yeti ɓarɛ kpang. N arɛ nɛɛ n naa ɓaa nyaa m ka zang ɓɔɔ ri palɛ vuu shi kpang ɓɛɛ.”

Maraku 12:6

“Zang ɓɔɔ naa wu shongnɛ, yaa kaa jaa gbete ɓiɓɛ, ɓɔɔ wu kasɛ ruu ɓiɓɛ gbãng gbãng kɔ shɛ̃ɛning. A naa shong kaa wukɔ nɛɛ knti, nɛɛ naa kasɛ, ri tãa kaa nyaa jaa ɓiɓɛ kɔ.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 3:15

Tɔ̀ɔ, zang piti ɓɔɔ shing danggn ka bii mɛɛ, wu walɛ suru bii ɓɔɔ waa nyaa kpang kati.

Yɔhana 3:18

Zang piti ɓɔɔ nɛɛ shing danggn ka bii Jaa, zang jɛ̃ɛ wu ruu ɓi kpang. Zang ɓɔɔ nɛɛ shing danggn ka bii Jaa kpang, zang dɔng wu ruu ɓi tɔ. Ka ruu ɓɔɔ shing danggn ka bii Jaa gbete Laa kpang ɓɛɛ.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 5:8

Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

Afisa 2:4

A gn zang kɔng Laa kaa dɔɔli doo nɛɛ mani, a kasɛnang ɓɔɔ wu kasɛ ruu nɛɛ nɔɔ nɛɛ mani ti bang dɔɔli.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

Titu 3:4

A ɓɔɔ Laa ɓɔɔ wukɔ ta yuu ɓuru, tusu tɔ̃ɔ ɓiɓɛ nɛɛ naa ɓɔɔ wu kasɛ zang piti ɓɛɛ.

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.

1 Yɔhana 3:1

Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.