Yɔhana 3:12 - Nyaa Shɔɔ Ɓɔɔ Laa a Ɓɛɛ

¹² N kɔ̀ɔ mɔɔ ruu ka yuu vuu ɓɔɔ ka koo keɓe, mɔɔ shing danggn kagn kpang, a naa n kɔɔ mɔɔ ruu kaa yuu vuu ɓɔɔ ka lapa, mɔɔ shing danggn ɓi kaa biya?

Yɔhana 3:12 Σταυροειδείς Αναφορές

Yɔhana 3:11

N kɔ̀ɔ́ mɔɔ ruu ɓɔɔ niizang kɔ nwani, rùu ráng yee ɓuru, ka yuu vuu ɓɔɔ ruu zi tɔ ɓɛɛ. Ruu ti kɔ̀ɔ́ ɓuru vuu ɓɔɔ ruu zi nɛɛ jĩng ɓuru ɓɛɛ, a mɔɔ ta vuu ɓɔɔ ruu kɔɔ ɓɛɛ kpang.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Yɔhana 3:8

Jasung rarɛ daa ka nɔng ɓɔɔ wu kasɛ ɓɛɛ. Mɔɔ tãa naa ɓɔɔ wu rãa ɓɛɛ, a mɔɔ zi nɔng ɓɔɔ a nɛɛ mani, nɛɛ nɔng ɓɔɔ wu daa ɓɛɛ kpang. Zang piti ɓɔɔ Suru Laa yi wu, nwàng ɓi doo nɔngkɔ.”

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yahudi 5:11

Vuu ɓɔɔ ruu kɔɔ ka yuu vuu keɓe kagn dɔɔli, a kpãa ruu nyaa kaa naa ɓɔɔ ruu kɔɔ nɔɔ ruu, tɔ̀ɔ, nɔɔ zi kati ɓɛɛ. Ka ruu ɓɔɔ, nɔɔ valɛ bii vuu mantɛnang dɔɔli ɓɛɛ.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.