Yɔhana 3:10 - Nyaa Shɔɔ Ɓɔɔ Laa a Ɓɛɛ

¹⁰ Yeesɔ kasɛ wu nyaa tɔɔ, “Ɓɔɔ mɔkɔ zang ɓɔɔ tusu zang Isirela vuu kɔ nwani, mɔɔ zi vuu keɓe doo kpang nɛɛ mani ya?

Yɔhana 3:10 Σταυροειδείς Αναφορές

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 15:14

Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Matiyu 22:29

A Yeesɔ kasɛ ri nyaa tɔɔ, “Nɔɔ ning katɔ, ka ruu ɓɔɔ nɔɔ zi labeenang Kpanti Laa, nɛɛ náa vuu palɛnang ɓiɓɛ kpang ɓɛɛ.

Luka 2:46

Ri kãa wu diki taati, a ri naa ĩi wu ka Gãa Laa. Nwang tɔ ka teteng zang Yahudi ɓɔɔ ri tusu zang vuu ɓɛɛ. Ɓaa shoo ka yee ɓɔɔ ri rangkɛ, wu ti hɛ̃ɛlɛ ri ruu.

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Yɔhana 3:9

Nikodimu hɛ̃ɛ wu tɔɔ, “Vuu keɓe nwáng lɛ̀ɛ́ bɛ̀ɛ́ nɔngkɔ viya?”

Zang Shonang Yeesɔ 5:34

A zang gbete ka teteng ɓarɛ, yɔɔ Farisi ɓɔɔ zang ɓaa wu nɛɛ Gamaliyel. Yɔɔ keɓe tusu zang nyaa dannang Laa, a zang ti á wu bannang dɔɔli. A shii paa ka teteng ɓarɛ, a kɔɔyi nɛɛ zang nwangsɛ rɛɛ zang shonang Yeesɔ ka biling ka gbongkarɛ.

Rooma 2:28

Ɓu wi zang Yahudi ɓɔɔ niizang wiya? Ɓi zang ɓɔɔ zang yee wu shaa katɔ, a ti ta bii naa zang Yahudi ɓɛɛ kpang.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Kolosi 2:11

Ka ɓɔɔ nɔɔ ɓakɛ yuu nɛɛ wu, zang yee nɔɔ shaa, wu zɔ̃ng shaa ɓɔɔ shɔnzang ri yée ɓɛɛ kpang. Ɓi zɔ̃ng shaa yeenang Yeesɔ Kirisi, ɓɔɔ ɓi kaa yuu ɓuru, ɓɔɔ wu tà nɛɛ naa bii ɓuru ɓɔɔ kasɛ ɓi vuu shi kpang palɛnang ɓɛɛ.