Yɔhana 21:9 - Nyaa Shɔɔ Ɓɔɔ Laa a Ɓɛɛ

⁹ Ri a tɔ nyaa waapo, a ri zirɛ zang tèe waa tɔ nɛɛ shekere. Jaazĩi kagn yuu waa, a borodi ti kagn nɔng.

Yɔhana 21:9 Σταυροειδείς Αναφορές

Matiyu 4:11

A Sheetang daayi, yaa Yeesɔ kati. Zang nyaa shonang Kpanti Laa ɓɔɔ ka lapa ri arɛ, ri naa a wu vuu ɓɔɔ wu kasɛ ɓɛɛ.

Maraku 8:3

Naa n jee ri nyaa nɛɛ ri dita gãa, ri shaa vuu ka nyaa kpang, doo daa kaa ri katɔ ka gbalang. Ka ruu ɓɔɔ, zang ɓɔɔ ri álɛ̀ nɛɛ nɔng beebang ɓɛɛ.”

Yɔhana 18:18

Sɔ̀ɔrɔ́ si katɔ, a rɛɛ zang ɓɔɔ ri palɛ zang shonang nɛɛ zang ɓɔɔ ri gã gãa, ri dɔɔ waa. Ri shiiri kaa nyaa waa nɛɛ waa wu nwãa ri bii. Bituru dàa kaa jong, dàa shii nɛɛ ri, nɛɛ waa wu nwãa wu bii jong.

Yɔhana 21:10

Yeesɔ kɔɔ ri tɔɔ, “Nɔɔ atɛ jaazĩi ka teteng jaazĩi ɓɔɔ nɔɔ yi kãntang ɓɛɛ.”

Yɔhana 21:13

Yeesɔ arɛ naa tuu borodi, a ri, a á ri jaazĩi doo nɔngkɔ.

Yɔhana 21:8

Zang ɓɔɔ ri mantɛ vuu ka bii Yeesɔ ɓɔɔ nimbang kaɓa, rikɔ a ka nyaa dang gãnggãng ka yeti tonsi. Ri gɔ̃ jang ɓɔɔ jaazĩi yi nyaa katɔ ka naa ning. Bɛɛ ri bee tɔ̀ɔ́ nɛɛ nyaa waapo kpang, nàá zang dĩi doo laa maani kɔ nwani.

Yɔhana 6:11

A Yeesɔ see borodi ka naa a zãa Laa kati, a basɛ zang ɓɔɔ ri nwalɛ ka tipi ɓɛɛ. Pálɛ́ doo nɔngkɔ nɛɛ jaazĩi. Zang ɓu walɛ naa ɓɔɔ daa wu nyaa ɓɛɛ.

Yɔhana 6:9

“Jaa kagn nihn, nɛɛ borodi ka naa maani, nɛɛ jaazĩi seseere ziti. Vuu keɓe pàlɛ́ zang kɔ gaagaa ɓee ɓu viya?”