Yɔhana 21:5 - Nyaa Shɔɔ Ɓɔɔ Laa a Ɓɛɛ

⁵ A hɛ̃ɛ ri tɔɔ, “Rɛɛ masang, nɔɔ yi jaazĩi kpang ya?” Ri kasɛ wu tɔɔ, “Ruu yi jaazĩi wu gbete kpang.”

Yɔhana 21:5 Σταυροειδείς Αναφορές

Matiyu 14:15

Nɛɛ laarang ka diki kaɓa, zang ɓɔɔ ri mantɛ vuu ka bii ɓiɓɛ arɛ naa kɔɔ wu tɔɔ, “Laa ɓa tɔ, yaa zang naa ta, zang ɓu daa hoo vuu shaanang ɓiɓɛ ka gari, ka ruu ɓɔɔ gãa ka nihn kpang ɓɛɛ.”

Maraku 8:7

A jaazĩi seseere ti yaa doogn ka naa zang ɓɔɔ ri mantɛ vuu ka bii Yeesɔ tɔkɔlɔng. A Yeesɔ ti zãa Kpanti Laa ka ruu jaazĩi kaɓa, a kɔɔ zang ɓɔɔ ri mantɛ vuu ka bii ɓiɓɛ, nɛɛ ri alɛ zang ta kɔ doori.

Filipi 4:19

Laa mɛɛ, vuu naa ɓiɓɛ kagn dɔɔli, ɓɔɔ wu a zang nɛɛ bii Yeesɔ Kirisi ɓɛɛ, a nɔɔ vuu ɓɔɔ nɔɔ kasɛ ɓɛɛ ditɔ nandon.

Yahudi 13:5

Ka nwannang manɛ, nɔɔ tɔɔ kpang nɛɛ, nɔɔ shing jĩng ka saka kasɛnang kpang. Vuu ɓɔɔ ka naa manɛ, wu tiisi nɔɔ katɔ. Ka ruu ɓɔɔ, Laa kɔɔyi nɛɛ, “N yàasɛ̀ mɔɔ gn naa kpang, n ti yaa mɔɔ kpang ɓɛɛ.”

1 Yɔhana 2:13

N bèé nɔɔ ruu keɓe ɓɔɔ nɔɔ dáa wujɛ (nɔɔ ɓɔɔ nɔɔ shing danggn dòo tɛ̃ɛ tɛ̃ɛ) ɓɛɛ, ka ruu ɓɔɔ, nɔɔ zi Yeesɔ ɓɔɔ nwáng dòo ka tĩng tɔ ɓɛɛ. Yeesɔ nwáng nɛɛ Laa, bɛ̀ɛ́ Laa gaayu koo mãanang gn kpang. Jasang, n bèé nɔɔ vuu keɓe, ka ruu ɓɔɔ, nɔɔ ɓa Sheetang yuu tɔ ɓɛɛ. Wujɛ mɛɛ, n bèé nɔɔ vuu keɓe, ka ruu ɓɔɔ, nɔɔ zi Daa ɓuru Laa tɔ ɓɛɛ.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.