Yɔhana 20:1 - Nyaa Shɔɔ Ɓɔɔ Laa a Ɓɛɛ

¹ Nɔng gãntɛ tɔ gbete ka knti Diki Ɔ̃sɔnang, Marayamu Magadaliya daa ka yuu sàa bɛ̀ɛ́ nɔng yakɛ gn kpang. Zirɛ zang jĩiri tari ɓɔɔ zang ku nyaa sàa nɛɛ mani ɓɛɛ tɔ.

Yɔhana 20:1 Σταυροειδείς Αναφορές

Matiyu 27:56

Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub nɛɛ Yusufu, a ɓɔɔ nàá rɛɛ wujɛ Zebedi ri kagn.

Matiyu 27:60

A daa wɔɔ ka yeti sàa shɔɔ ɓiɓɛ, ɓɔɔ wu shu ka tari bang ɓɔɔ naa yeng puru ɓɛɛ. A jĩiri tari bang, ku nyaa sàa ka nɛɛ mani, a daa kati.

Matiyu 27:64

Ka ruu nɔngkɔ, kɔɔ zang ta, zang daa gãng jĩng ka yuu saa tɔ̃ɔ tɔ̃ɔ, diki taati wu ɓa katɔ, ka ruu ɓɔɔ zang ɓɔɔ ri mantɛ vuu ka bii ɓiɓɛ, ri nɛ̀ɛ́ naa ɓɔ̀ɔ́ bii vɔrɔ ɓiɓɛ, ri kɔɔ zang nɛɛ, Seepaa tɔ nɛɛ sàa ɓɛɛ. Sèé ɓɔɔ knti, naa ɓa ɓɔɔ tĩng shɔɔnang kaa tɔ.”

Matiyu 27:66

A ri daayi, ri daa rangsɛ nyaa sàa, a ri ɓang vuu kpanti ɓɔɔ tusu zang nɛɛ, Bilatu dang nyaa nɛɛ zang ɓɔɔ wu puu nyaa sàa kpang ɓɛɛ, ka yuu sàa. A ri shing zang sɔɔja ɓɔɔ gã yuu saa ka nɔngkɔ.

Matiyu 28:1

Nɔng naa gãntɛ tɔ gbete, ka knti Diki Ɔ̃sɔnang zang Yahudi, Marayamu Magadaliya nɛɛ Marayamu ɓɔɔ ɓɛɛ, ri daayi nɛɛ ri daa leng jĩng ka yuu saa.

Matiyu 28:2

A tipi ruutunang ɓɔɔ bang ruutu, ka ruu ɓɔɔ, zang nyaa shonang Laa ɓɔɔ ka lapa shooro, daa ka nɔng yuu sàa, a jĩiri tari ɓɔɔ zang ku nyaa sàa nɛɛ mani, nwang ka yuu ɓiɓɛ ɓɛɛ.

Maraku 15:46

A Yusufu hoo fɔ̃ɔrɔ nyaa pɛɛrɛ puru kati. A witi vɔrɔ Yeesɔ ka tipi, kãng kaa nɛɛ fɔ̃ɔrɔ, a daa wɔɔ wu ka yeti saa ɓɔɔ zang ɓee ka tari bang ɓɔɔ shii doo paa ɓɛɛ. A jĩiri tari, ku nyaa saa kaa nɛɛ mani.

Maraku 16:9

[Yeesɔ seepaa tɔ nɛɛ sàa, ka lee ɓɔɔ nɔng gãntɛ tɔ gbete ka knti Diki Ɔ̃sɔnang zang Yahudi, nɛɛ gãndi zang zang, a naa nwang nyaa ka bii Marayamu Magadaliya, ɓɔɔ wu nwangsɛ suru shi kpang ka bii ɓiɓɛ manziti ɓɛɛ, kɔ shɔɔnang.

Yɔhana 11:38

Gn kɔng Yeesɔ tɔkn, a daa ka yuu sàa. Sàa bii ɓi yeng puru ɓɔɔ zang ku nyaa nɛɛ tari ɓɛɛ.

Yɔhana 11:41

Ka ruu nɔngkɔ, ri dɔ̃ tari ri yaa nɔng. A Yeesɔ tuu jĩng ka lapa kɔɔyi tɔɔ, “Daa mɛɛ, n zãa mɔɔ tɔ, ka ruu ɓɔɔ, mɔɔ tãa m tɔ ɓɛɛ.

Yɔhana 19:25

Nàá Yeesɔ nɛɛ jaa nàá Yeesɔ ɓɔɔ soro, nɛɛ Marayamu soro Kilopa, a ɓɔɔ Marayamu Magadaliya ri shiiri ka nɔng ɓɔɔ zang ɓaa Yeesɔ naa naabm.

Yɔhana 20:26

Diki ɓa tɔ mantaati zang ɓɔɔ ri mantɛ vuu ka bii Yeesɔ ri kaa nyaa zɔɔ, ka yeti gãa. Tooma nɛɛ ri. Ri kulu nyaa gãa katɔ, a Yeesɔ a doo nɛɛ mani, naa shii ka teteng ɓarɛ, a kɔɔ ri tɔɔ, “Yeti manɛ wu lasɛ kpang.”

Zang Shonang Yeesɔ 20:7

Ka Diki Ɔ̃sɔnang nɛɛ laarang, ruu kpalɛ zɔɔ ruu tɔɔ ruu shaa borodi, a Bulu rang zang ɓɔɔ ri kpalɛ ɓɛɛ yee, ka ruu ɓɔɔ tɔɔ nɔng nɛɛ gãntɛ tɔ, wu daa kaa tɔ ɓɛɛ. Rang ri yee sasak gãmbang zĩi a nɛɛ mani.

1 Koranti 16:2

Ka diki Laadi, zang ɓu wu zɔ̃ng vuu ɓɔɔ ka yeti saka ɓiɓɛ ɓɔɔ Laa a wu ɓɛɛ. Wu shingnɛ ka ruu shonang Laa palɛnang. Nɔɔ palɛ nɔngkɔ sasak tɔ̀ɔ, ka laa ɓɔɔ n naa arɛ n leng nɔɔ, nɔɔ naa kpálɛ̀ saka ɓɔɔ kaa takpang.

Vuu ɓɔɔ zang nwangsɛ Yɔhana 1:10

Ka nɔng kaɓa, ka lee Laadi, Suru Laa a ka bii mɛɛ, a n nwang kaa naa n rɔ̃kɔ katɔ. N tãa yee zang mɛɛ nyaa ka knti mɛɛ nabm naa gboo.