Yɔhana 2:23 - Nyaa Shɔɔ Ɓɔɔ Laa a Ɓɛɛ

²³ Ɓɔɔ bɛ̀ɛ́ Yeesɔ doo ka Urushalima, ka diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, zang dɔɔli ri shing danggn ka bii ɓiɓɛ, ka ruu ɓɔɔ, ri zili vuu ɓɔɔ zang zirɛ zang mã naa ka danggn ɓɔɔ wu pálɛ́ ɓɛɛ.

Yɔhana 2:23 Σταυροειδείς Αναφορές

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Yɔhana 11:45

A zang Yahudi dɔɔli ɓɔɔ ri arɛ nɛɛ ri jee Marayamu nyaa ɓɛɛ. Ri zi vuu ɓɔɔ Yeesɔ palɛ, a ri shing danggn ka bii ɓiɓɛ.

Yɔhana 2:11

Wee vuu ɓɔɔ zang zirɛ zang mã naa ka danggn ɓɔɔ Yeesɔ gaayu palɛnang ɓɛɛ kɔ, ka gari Kaana ɓɔɔ ka tipi Galili ɓɛɛ. Tusu zang bannang ɓiɓɛ kaa nɔngkɔ, a zang ɓɔɔ ri mantɛ vuu ka bii ɓiɓɛ ri shing danggn kaa bii ɓiɓɛ gbãng gbãng.

Yɔhana 2:13

Làá nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yáa kaa tɔkɔlɔng, a Yeesɔ daa kaa Urushalima.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 4:45

Ɓɔɔ naa shɛ̃ɛ tipi Galili, zang Galili ri ta wu waasɛ̃, ka ruu ɓɔɔ, ri daa nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ ka Urushalima, a ri zi vuu ɓɔɔ wu pálɛ́ ka diki nyaalaa nandon ɓɛɛ.

Yɔhana 5:36

Vuu ɓɔɔ n palɛ, tusu zang vuu ka yuu mɛɛ, ɓa vuu ɓɔɔ Yɔhana kɔɔ ka yuu mɛɛ katɔ. Shonang ɓɔɔ Daa mɛɛ a m nɛɛ n palɛ kɔ, n palɛ ɓee. Wukɔ tusu zang, tɔɔ zang zi kagn nɛɛ Daa kɔ shong m.

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 6:2

Zang dɔɔli ri dũng wu, ka ruu ɓɔɔ, ri zi vuu ɓɔɔ zang zirɛ zang mã naa ka danggn ɓɔɔ wu palɛ, ka ɓɔɔ wu masɛ zang ɓɔɔ vuu palɛ ri katɔ ɓɛɛ.

Yɔhana 7:31

Zang dɔɔli ka teteng zang ɓɔɔ ri kpalɛ zɔɔ ri shing danggn ka bii ɓiɓɛ. A ri kɔɔrɔ nɛɛ, “Naa Kirisi arɛ, naa palɛ vuu ɓɔɔ zang zirɛ zang mã naa ka danggn ɓa ɓɔɔ yɔɔ keɓe ɓu katɔ ya?”

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.