Yɔhana 2:2 - Nyaa Shɔɔ Ɓɔɔ Laa a Ɓɛɛ

² Zang ti gaarɛ Yeesɔ jong nɛɛ, zang ɓɔɔ ri mantɛ vuu ka bii ɓiɓɛ ɓɛɛ.

Yɔhana 2:2 Σταυροειδείς Αναφορές

Matiyu 12:19

Naa gàa nyaa ɓi kpang. Ti naa sãlɛ nyaa ɓi kpang. Zang ti naa tãa yee ɓiɓɛ ɓi ka gbalang kpang.

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 25:45

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang ɓɔɔ wukɔ tɔkɔlɔng ka teteng rɛɛ manzung keɓe kpang, nɔɔ palɛ nkɔ kpang.’

Yɔhana 2:12

Kaa nɛɛ knti, Yeesɔ daa ka gari Kafanahu nɛɛ niiɓɛ, nɛɛ jaa niiɓɛ, nɛɛ zang ɓɔɔ ri mantɛ vuu ka bii ɓiɓɛ ɓɛɛ. Ri nwang ka nɔngkɔ diki bee katɔ tɔkɔlɔng.

Yɔhana 2:17

A zang ɓɔɔ ri mantɛ vuu ka bìí ɓiɓɛ, ri kpaa danggn vuu ɓɔɔ labeenang Laa kɔɔyi nɛɛ, “Sũnyaa ɓɔɔ n kaa ka ruu Gãa ɓaaɓɛ, kɔng m ka ɓoro naa waa.”

Yɔhana 2:22

Ka ɓɔɔ Laa naa wisi wu paa nɛɛ sàa, zang ɓɔɔ ri mantɛ vuu ka bii ɓiɓɛ ri naa kpaa danggn kati nɛɛ bɛ̀ɛ́ kɔ̀ɔ ri vuu keɓe tɔ kagn. A ri shing danggn kaa vuu ɓɔɔ zang bee ka yeti labeenang Laa, nɛɛ vuu ɓɔɔ Yeesɔ kɔ̀ɔ ɓɛɛ ning.

Yɔhana 2:3

Mii inabi ɓɔɔ zang ɓoo ɓɛɛ waa nyaa tɔ, a nàá Yeesɔ a ka bii ɓiɓɛ, kɔɔ wu tɔɔ, “Mii inabi ɓarɛ waa nyaa tɔ nandon.”

Yɔhana 3:22

Kaa nɛɛ knti, Yeesɔ nɛɛ zang ɓɔɔ ri mantɛ vuu ka bii ɓiɓɛ, ri daa ka tipi Yahudi. Ri daa nwang ka nɔngkɔ, ri pàlɛ́ zang batizima.

Yɔhana 4:2

(Wu wukɔ ti pàlɛ́ zang batizima nɛɛ yuu ɓiɓɛ kpang, ɓi zang ɓɔɔ ri mantɛ vuu ka bii ɓiɓɛ ri palɛ.)

Yɔhana 4:33

A zang ɓɔɔ ri mantɛ vuu ka bii ɓiɓɛ, ri hɛ̃ɛlɛ zɔɔ nɛɛ, “Zang ɓɔ̀ɔ́gn atɛ wu vuu shaanang tɔ ya?”

Yɔhana 4:8

(Bɛɛ zang ɓɔɔ ri mantɛ vuu ka bii ɓiɓɛ, ri daa ɓarɛ tɔ ka gari nɛɛ ri daa hoo vuu shaanang.)

Yɔhana 6:12

Zang ri shaa tɔ, ri puu tɔ, a kɔɔ zang ɓɔɔ ri mantɛ vuu ka bìí ɓiɓɛ nɛɛ, “Nɔɔ kpalɛ ɓɔɔ ri yàarɛ̀ ta, nɔɔ yaa ɓɔɔ wu lasɛ kpang.”

Yɔhana 6:16

Laa hãa nyaa tɔ, a zang ɓɔɔ ri mantɛ vuu ka bii ɓiɓɛ ri shooro ri daa nyaa waapo dii.

Yɔhana 6:60

Zang dɔɔli ka teteng zang ɓɔɔ ri mantɛ vuu ka bii ɓiɓɛ ɓɛɛ, ɓɔɔ ri tãa ruu keɓe, ri kɔɔyi nɛɛ, “Vuu kɔ wu tusu ɓee, kpãa nyaa dɔɔli, ɓu wi ɓaa shoo tãayi wiya?”

Yɔhana 6:66

Ka ruu nɔngkɔ, vuu ɓɔɔ yi nɛɛ diki kaɓa daa nɛɛ mani, zang dɔɔli ka teteng zang ɓɔɔ ri dũng wu, ri yaa wu, ri rakɛ tɔ̀ɔ́ nɛɛ wu kpang.

Yɔhana 6:67

A Yeesɔ hɛ̃ɛ zang kopi tu ziti ɓɔɔ ri mantɛ vuu ka bii ɓiɓɛ ɓɛɛ nɛɛ, “Nɔɔ yaa m kaa tɔ jong ya?”

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Yɔhana 6:71

Rang ruu keɓe ɓi ka yuu Yahuda, jaa Siman Isikariyoti. Yahuda ka teteng zang kopi tu ziti ɓɔɔ ri mantɛ vuu ka bii Yeesɔ ɓɛɛ, wukɔ ti naa nyɔ yuu Yeesɔ.

Yɔhana 6:8

Zang ɓɔɔ mantɛ vuu ka bii ɓiɓɛ ɓɔɔ zang ɓaa wu nɛɛ Anduru jaa naa Siman Bituru, kɔɔ wu nɛɛ,

Yɔhana 7:3

A rɛɛ jaa niiɓɛ ri kɔɔ wu nɛɛ, “Yaa nihn ta, mɔɔ daa tipi Yahudi, tɔ̀ɔ, zang ɓɔɔ ri mantɛ vuu ka bii ɓaaɓɛ, ri zi vuu ɓɔɔ mɔɔ palɛ ɓɛɛ kati.

Zang Shonang Yeesɔ 11:26

Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

1 Koranti 10:31

N kàsɛ́ zang keɓe nyaa nɛɛ, ka vuu ɓɔɔ mɔɔ palɛ ɓɛɛ nandon. Naa mɔɔ shaa doo vuu, naa mɔɔ ɓoo doo vuu, palɛ ka gbalang ɓɔɔ mɔɔ a Laa bannang nɛɛ mani ɓɛɛ.

1 Koranti 7:39

Zang soro ɓɔɔ gee varɛ tɔ, Laa ɓakɛ wu ɓi tɔ nɛɛ varɛ ɓiɓɛ dòndòng. A naa varɛ ɓiɓɛ vɔrɛ, wàlɛ́ gbalang katɔ wu gee varɛ ɓɔɔgn, ɓɔɔ bii tĩng wu nɛɛ wu ɓɛɛ. Laa kasɛ nɛɛ wu gee doo zang ɓɔɔ dũng Laa katɔ kɔ.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

Vuu ɓɔɔ zang nwangsɛ Yɔhana 3:20

Nɔɔ zirɛ, n shii ka nyaa gãa, n waa nyaa gãa. Zang ɓɔɔ nɛɛ tãa yee mɛɛ, nɛɛ puu nyaa gãa, n shɛ̃ɛ ka yeti gãa ɓiɓɛ. Ruu shaa vuu shaanang nɛɛ zɔɔ nɔng gbete.