Yɔhana 2:19 - Nyaa Shɔɔ Ɓɔɔ Laa a Ɓɛɛ

¹⁹ Yeesɔ kasɛ ri nyaa tɔɔ, “Nɔɔ jili Gãa Laa keɓe ta, n wisi paa tɔkn n hangsɛ nyaa ka diki taati.”

Yɔhana 2:19 Σταυροειδείς Αναφορές

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 27:40

ri kɔɔ wu tɔɔ, “Mɔɔ tɔɔ mɔɔ zunung ɓɔɔ mɔɔ jili Gãa Laa, mɔɔ mãa ɓɔɔgn ka diki taati katɔ, ta yuu ɓaaɓɛ ta. Mɔkɔ nɛɛ Jaa Laa, shooro ta ka tipi, nɛɛ láa kɔ zang ɓaa mɔɔ naa kagn ɓi.”

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Maraku 14:58

“Ruu tãayi, kɔɔyi tɔɔ, ‘N jili Gãa Laa kɔ zang mãa nɛɛ naa ɓɛɛ ditɔ, n mãa ɓɔɔgn ɓɔɔ zang mãa nɛɛ naa kpang, ka yeti diki taati.’ ”

Maraku 15:29

Zang ɓɔɔ ri tɛɛ gbalang, ri rang wu nyaa gɛ̃gɛ̃ɛ, ri ti waa yuu ɓarɛ, ri kɔɔ wu tɔɔ, “Mɔɔ tɔɔ mɔɔ zunung ɓɔɔ mɔɔ jili Gãa Laa, mɔɔ mãa ɓɔɔgn ka diki taati katɔ.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 5:19

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, Jaa zunung ɓɔɔ wu pálɛ̀ vuu ɓɔɔ nɛɛ yuu ɓiɓɛ kpang, pálɛ̀ ɓi vuu ɓɔɔ zi Daa ɓiɓɛ pálɛ̀ ɓɛɛ. Ka ruu ɓɔɔ, vuu ɓɔɔ Daa pálɛ̀ piti Jaa pálɛ̀ doo nɔngkɔ ɓɛɛ.

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.

Zang Shonang Yeesɔ 2:32

Laa wisi Yeesɔ keɓe paa tɔ nɛɛ sàa, ruu nandon ruu zi katɔ nɛɛ jĩng ɓuru.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Zang Shonang Yeesɔ 3:26

Laa wisi zang shonang ɓiɓɛ paa tɔ, a shong wu kaa bii manɛ kɔ shɔɔnang, tɔ̀ɔ, wu a nɔɔ tĩnang tãanang ka ɓɔɔ wu shing nɔɔ nandon, nɔɔ yaa gbalang vuu shi kpang manɛ ɓɛɛ.”

Zang Shonang Yeesɔ 6:14

Ruu ti tãayi kɔ̀ɔ́yi nɛɛ Yeesɔ yɔɔ gari Nazara keɓe, jili Gãa Laa keɓe ka tipi, wu ti kɔ̃sɔ vuu daa ɓɔɔ daa ɓuru ri tusu, ɓɔɔ Musa a ri ɓɛɛ.”

Rooma 4:24

Zang bee kaa ruu ɓuru jong. Ɓɔɔ Laa naa ta rùu nɛɛ rùu zang tɔ̃ɔ ka tĩng ɓiɓɛ ɓɛɛ. Ɓɔɔ rùu shing danggn ka bii Laa, ɓɔɔ wisi Kpanti ɓuru Yeesɔ paa nɛɛ saa ɓɛɛ.

Rooma 6:4

Ka ɓɔɔ zang pàlɛ̀ ruu batizima, nwàng naa ruu vɔ katɔ nɛɛ Kirisi, a zang gbã̀a ruu nɛɛ wu. Tɔɔ, zang naa wisi ruu paa kaa jong naa ɓɔɔ Daa ɓiɓɛ wisi wu paa nɛɛ bannang ɓiɓɛ, nɛɛ tɔ̀ɔ, ruu nwang nwannang kaa naa ɓɔɔgn.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

1 Koranti 15:12

Ruu Tɔ̃ɔ kɔ, ruu kɔɔrɔ zang ɓee, kɔɔyi nɛɛ Laa wísí Yeesɔ Kirisi paa nɛɛ sàa. Laa nɛɛ wísí Yeesɔ Kirisi paa tɔ nɛɛ sàa, a palɛ biya, zang ɓɔɔ ka teteng manɛ ri kɔ̀ɔ́ nɛɛ zang naa wisi zang ɓɔɔ ri vɔlɔ tɔ nɛɛ sàa kpang viya?

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.