Yɔhana 2:13 - Nyaa Shɔɔ Ɓɔɔ Laa a Ɓɛɛ

¹³ Làá nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yáa kaa tɔkɔlɔng, a Yeesɔ daa kaa Urushalima.

Yɔhana 2:13 Σταυροειδείς Αναφορές

Matiyu 21:12

Yeesɔ daa ka yeti Gãa Laa, daa hing zang piti ɓɔɔ ri mãlɛ́ vuu nɛɛ zang ɓɔɔ ri hooro vuu, ka biling. A ti zĩili teeburu zang ɓɔɔ ri kɔ̃sɔ saka, nɛɛ nɔng nwannang zang ɓɔɔ ri mãlɛ́ ning koro kati.

Maraku 11:15

Ri naa a tɔ ka Urushalima, a Yeesɔ naa tu ka yeti Gãa Laa. A gaa tɔɔsung hingkinang zang ɓɔɔ ri mãlɛ́ vuu nɛɛ zang ɓɔɔ ri hooro vuu ka yeti Gãa Laa kati. A ti zĩili teeburu zang ɓɔɔ ri kɔ̃sɔ saka nɛɛ nɔng nwannang zang ɓɔɔ ri mãlɛ́ ning koro ɓɛɛ.

Luka 19:45

A Yeesɔ naa daa ka Gãa Laa, gaa tɔɔsung zang ɓɔɔ ri mãlɛ́ vuu kagn hingkinang kati.

Luka 2:41

Sáa nɛɛ mɔɔ tɔ, daa Yeesɔ nɛɛ niiɓɛ ri daarɛ ka Urushalima, ka ruu nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ.

Yɔhana 11:55

Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ a naabm kana. Zang yùkú paa kana nɛɛ jaa gari, zang daarɛ ka gari Urushalima nɛɛ zang daa palɛ vuu ɓɔɔ zang dang nyaa nɛɛ zang palɛ, nɛɛ tɔɔ Laa wu yaa zang gbalang vuu shi kpang ɓɛɛ. Ri pálɛ̀ vuu keɓe ka gbongkarɛ, tɔ̀ɔ, diki nyaalaa wu a kati.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 2:23

Ɓɔɔ bɛ̀ɛ́ Yeesɔ doo ka Urushalima, ka diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, zang dɔɔli ri shing danggn ka bii ɓiɓɛ, ka ruu ɓɔɔ, ri zili vuu ɓɔɔ zang zirɛ zang mã naa ka danggn ɓɔɔ wu pálɛ́ ɓɛɛ.

Yɔhana 5:1

Diki naa bee tɔ tɔkɔlɔng, ka knti vuu keɓe, Yeesɔ daa Urushalima, ka diki kaɓa, zang Yahudi ri shaa vuu shaanang nyaalaa ɓarɛ.

Yɔhana 6:4

Bɛ̀ɛ́ nyaalaa Pasika ɓɔɔ zang Yahudi ri kpaa danggn diki ɓɔɔ Laa tɛɛ kagn ɓɛɛ a naabm tɔ.