Yɔhana 19:6 - Nyaa Shɔɔ Ɓɔɔ Laa a Ɓɛɛ

⁶ Ɓɔɔ rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang ɓɔɔ ri gã Gãa Laa ri zi wu hn, ri mɛɛ nyaa ka lapa nɛɛ, “Nɔɔ ɓaa wu naa ta laa, Nɔɔ ɓaa wu naa ta laa.” Bilatu kɔɔ ri tɔɔ, “Nɔɔ yi wu ta nɔɔ daa ɓaa wu naa ka laa. N ĩi wu nɛɛ vuu shi kpang ɓɔɔ n dɔng wu ruu kagn, tɔɔ zang nyɔ wu vɔrɔ ɓɛɛ kpang.”

Yɔhana 19:6 Σταυροειδείς Αναφορές

Matiyu 26:58

Bituru dũuru wu ka knti katara sasak, daa nɛɛ wu ka dàbang Kayifa. A Bituru turɛ daa nwang nɛɛ zang ɓɔɔ ri gãng jĩng ka gãa, nɛɛ tɔɔ wu zi naa ɓɔɔ zang hangsɛ nyaa ruu keɓe kati.

Matiyu 27:22

A Bilatu hɛ̃ɛ ri nɛɛ, “Ń palɛ vi nɛɛ Yeesɔ ɓɔɔ zang ɓaa wu nɛɛ Kirisi, viya?” Ri goo nyaa nandon tɔɔ, “Yaa wu, zang ɓaa wu naa ka laa.”

Matiyu 27:24

Ɓu doo ɓɔɔ Bilatu zirɛ, nɛɛ zang kaɓa ri ɓa wu yuu katɔ, ri ti shii varɛ tɔ, tuu mii sɔɔ naa ɓiɓɛ nɔng ka jĩng ɓarɛ nandon. A kɔɔyi tɔɔ, “Naa mɛɛ ɓi kagn ruu zĩi yɔɔ keɓe kpang. Ɓi kaa ruu manɛ.”

Luka 23:4

A Bilatu kɔɔ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang dɔɔli ɓɔɔ ri dũng ri ɓɛɛ, tɔɔ, “N zi vuu shi kpang ɓɔɔ yɔɔ keɓe palɛ ɓɛɛ kpang.”

Yɔhana 18:3

Ka ruu nɔngkɔ, Yahuda sèe rɛɛ sɔɔja nɛɛ zang ɓɔɔ ri gã Gãa Laa, ɓɔɔ rɛɛ zang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi ri shong ri ɓɛɛ, a daa nɛɛ ri ka vɔ̀ɔ́ laa inabi. Zang keɓe ri tùurù vuu waa ka naa, nɛɛ waa zàáng sɔɔ a ɓɔɔ waa tooshi.

Yɔhana 18:31

Bilatu kɔɔ ri tɔɔ, “Nɛɛ nɔngkɔ, nɔɔ dita nɛɛ wu nɔɔ daa jɛ̃ɛ wu ruu naa ɓɔɔ nyaa dannang manɛ kɔɔ ɓɛɛ.” Ri kasɛ wu nyaa tɔɔ, “Kpanti Rooma a ruu naa nɛɛ ruu nyɔ zang vɔrɔ kpang.”

Yɔhana 18:38

A Bilatu hɛ̃ɛ wu tɔɔ, “A zang ɓaa vi nɛɛ ruu ɓɔɔ niizang viya?” A Bilatu nwang ka biling tɔkn daa kɔɔ zang Yahudi tɔɔ, “N ĩi vuu shi kpang ɓɔɔ n dɔ̌ng yɔɔ keɓe ruu kagn ɓɛɛ kpang.

Yɔhana 19:15

Ri goo nyaa tɔɔ, “Nyɔ wu vɔrɔ ta, Nyɔ wu vɔrɔ ta. Ɓaa wu naa ka laa.” Bilatu hɛ̃ɛ ri tɔɔ, “Nɔɔ kasɛ tɔ n ɓaa kpanti manɛ naa ka laa ya?” Zang bang bang zang ɓɔɔ ri dɔɔ vuu ka Gãa Laa ri kasɛ wu nyaa tɔɔ, “Kpanti ɓuru ɓi Kayisa kɔ gbete.”

Yɔhana 19:4

Bilatu nwáng tɔkn daa ka bii zang Yahudi ɓɔɔ ri kpalɛ zɔɔ ka biling ɓɛɛ, a kɔɔ ri tɔɔ, “Nɔɔ ɓaa shoo karɛ, zang átɛ̀ nɔɔ wu kaa tɔ ka biling, tɔ̀ɔ, nɔ́ɔ zĩi kati nɛɛ, n ĩi vuu shi kpang ɓɔɔ wu palɛ ɓɔɔ n dɔ̌ng wu ruu kagn ɓɛɛ kpang.”

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 7:52

Zang nyaa shonang Laa kagn gbete ɓɔɔ rɛɛ dáa manɛ dang wu jĩng kpang ya? Zang ɓɔɔ ri kɔɔ ruu anang zang tɔ̃ɔ keɓe ka tĩng, rɛɛ daa manɛ ti nyɔ̀kɔ̀ ri vɔrɔ. Wee nɔɔ ti nyɔ yuu ɓiɓɛ tɔ, zang nyɔ wu vɔrɔ tɔ.