Yɔhana 19:3 - Nyaa Shɔɔ Ɓɔɔ Laa a Ɓɛɛ

³ Ri ti álɛ̀ ka bìí ɓiɓɛ, ri jee wu nyaa naa kpanti, ri kɔɔ nɛɛ, “Kpanti zang Yahudi, mɔ́ɔ nwang ningkãari dòndòng.” Ri daayi, ri daa nyɔ wu nɛɛ naa ka kashoo.

Yɔhana 19:3 Σταυροειδείς Αναφορές

Matiyu 26:49

Yahuda ri naa shɛ̃ɛ nɔng tɔ a sharɛ daa kɔng Yeesɔ. A kɔɔyi tɔɔ, “Mɔɔ nwang tɛya Maalang?”

Matiyu 27:29

Ri ti, ti kɔkɔ naa lapoo yuu kãnang kpanti, ri hãa wu ka yuu. A ri tuu labalang naa ɓɔ̀ɔ́ kpanti, ri a wu ka naa nakn. Ri ti tang ka tĩng ɓiɓɛ, ri kpaa wu. Ri tɔɔ, “Ruu jee mɔɔ nyaa kpanti zang Yahudi.”

Maraku 15:18

Ri tang ka tĩng ɓiɓɛ, ri jeere wu nyaa kati tɔɔ, “Kpanti zang Yahudi wu nwang dòndòng.”

Luka 1:28

Zang nyaa shonang Laa ɓɔɔ ka Lapa arɛ naa kɔɔ wu tɔɔ, “N jee mɔɔ nyaa, zang ɓɔɔ Laa zɔ̃ng ka teteng zang soro ɓɛɛ. Laa ɓi nɛɛ mɔɔ ning.”

Yɔhana 18:22

Ɓɔɔ Yeesɔ kasɛ nyaa naa weɓe, zang gbete ka teteng zang ɓɔɔ ri gã Gãa Laa, ɓɔɔ ri shii ka nɔng, nyɔ Yeesɔ nɛɛ naa ka kashoo. A kɔɔ wu nɛɛ “Mɔɔ ráng kpanti zang ɓɔɔ ri dɔɔ vuu ka Gãa Laa ruu nɔngkɔ ka ruu viya?”

Yɔhana 18:33

Bilatu gbãayu daa ka yeti gãa, daa shong zang nɛɛ zang atɛ wu, a hɛ̃ɛ wu nɛɛ, “Mɔkɔ Kpanti zang Yahudi ya?”