Yɔhana 18:8 - Nyaa Shɔɔ Ɓɔɔ Laa a Ɓɛɛ

⁸ Yeesɔ kasɛ ri nyaa tɔɔ, “N kɔɔ nɔɔ tɔ nɛɛ, nkɔ ɓee. Nɔɔ nɛɛ kãa nkɔ, nɔɔ yaa rɛɛ zang ɓɔɔ mantɛ vuu ka bii mɛɛ keɓe ɓarɛ ka nɔngkɔ ri daayi.”

Yɔhana 18:8 Σταυροειδείς Αναφορές

Matiyu 26:56

Vuu kɔ zang palɛ ɓée, ɓee ɓi kaa nyaa vuu ɓɔɔ rɛɛ zang nyaa shonang Laa ri bèe ka yeti labeenang Laa ka tĩng tɛ̃ɛ tɛ̃ɛ ɓɛɛ.” A zang ɓɔɔ ri mantɛ vuu ka bii ɓiɓɛ, ri yuku nandon ri yaa wu.

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 13:36

Siman Bituru hɛ̃ɛ Yeesɔ tɔɔ, “Mɔɔ daa ka niya, Kpanti?” Yeesɔ kasɛ wu nyaa tɔɔ, “Nɔng ɓɔɔ n daa ɓɛɛ, mɔɔ dũng m kãntang keɓe kpang. Mɔɔ naa dũng m kaa nɛɛ knti.”

Yɔhana 16:32

Diki a doo naa, diki bìí ti a tɔ, ɓɔɔ zang naa tantɛ nɔɔ nandon, zang ɓu daa gãa ɓiɓɛ ɓɛɛ. Nɔɔ naa yaa m ka bm gbete. N wu ka bm niizang kpang, ka ruu ɓɔɔ Daa kagn nɛɛ n ɓɛɛ.

Yɔhana 18:7

Yeesɔ hɛ̃ɛ ri tɔkn nɛɛ, “Nɔɔ kãa wiya?” Ri kɔɔyi nɛɛ, “Ruu kãa Yeesɔ, yɔɔ Nazara.”

Yɔhana 18:9

Vuu keɓe nwang naa ɓɔɔ wu kɔɔ ka tĩng ɓɛɛ, kɔɔyi nɛɛ, “N ning zang ɓɔɔ mɔɔ a m ri ka naa gbete kpang ɓɛɛ.”

1 Koranti 10:13

Vuu gãsɛnang ɓɔɔ kagn ɓɔɔ zang gãsɛ nɔɔ nɛɛ mani, ɓɔɔ ɓi náabm̀ nɛɛ ɓɔɔ zang gãsɛ zang nandon nɛɛ mani ɓɛɛ kpang. Laa palɛ vuu ɓɔɔ wu a nyaa ɓɛɛ, ɓi katɔ. Yaa vuu gãsɛnang ɓɔɔ ɓa kaka manɛ katɔ, wu a ka bii manɛ kpang. Naa vuu gãsɛnang a ka bii manɛ, a nɔɔ kaka katɔ, ɓɔɔ nɔɔ taarɛ yuu, tɔ̀ɔ, nɔɔ walɛ gbalang ɓɔɔ nɔɔ wɔ ɓɛɛ kati.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

Afisa 5:25

Varɛ, nɔɔ kàsɛ́ soro manɛ naa ɓɔɔ Yeesɔ Kirisi kàsɛ̀ zang ɓɔɔ ri dũng wu, a á zang yuu ɓiɓɛ, nɛɛ zang nyɔ wu vɔrɔ ka ruu ɓarɛ ɓɛɛ.

1 Bituru 5:7

Nɔɔ yaa vuu ɓɔɔ kpãa nɔɔ piti ka naa ɓiɓɛ, ka ruu ɓɔɔ, wukɔ gãng jĩng ka nɔɔ ɓɛɛ.