Yɔhana 18:4 - Nyaa Shɔɔ Ɓɔɔ Laa a Ɓɛɛ

⁴ Yeesɔ ti zi vuu ɓɔɔ zang naa palɛ wu ɓi tɔ, a yupaa naa shii ka tĩng ɓarɛ, a hɛ̃ɛ ri tɔɔ, “Nɔɔ kãa ɓu wiya?”

Yɔhana 18:4 Σταυροειδείς Αναφορές

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Matiyu 26:21

ri shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, shɔnzang gbete ɓɔɔ kagn teteng manɛ, naa mãlɛ́ m ditɔ.”

Matiyu 26:31

A Yeesɔ kɔɔ ri tɔɔ, “Lɛɛkɔ nɛɛ zĩi, nɔɔ naa yuku ditɔ nandon nɔɔ yaa m. Laa kɔɔ nɔngkɔ ka yeti labeenang ɓiɓɛ tɔɔ, “ ‘N nyɔ jagãng vɔrɔ ditɔ, tɔɔ mɛ̀ɛrɛ́ ri naa tantɛ kati.’

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 13:11

(Yeesɔ zi zang ɓɔɔ naa nyɔ yuu ɓiɓɛ ɓi tɔ, ka ruu nɔngkɔ, kɔɔyi tɔɔ, “Bii manɛ tu tɔ nandon, yaa ɓɔ̀ɔ́ zang gbete.”)

Yɔhana 18:5

Ri kasɛ wu nyaa tɔɔ, “Ruu kãa Yeesɔ yɔɔ Nazara.” A kɔɔ ri tɔɔ, “Nkɔ ɓee.” Yahuda ɓɔɔ nyɔ yuu Yeesɔ shii nɛɛ ri ka nɔngkɔ.

Yɔhana 18:7

Yeesɔ hɛ̃ɛ ri tɔkn nɛɛ, “Nɔɔ kãa wiya?” Ri kɔɔyi nɛɛ, “Ruu kãa Yeesɔ, yɔɔ Nazara.”

Yɔhana 19:28

Yeesɔ zi tɔ nɛɛ zang hangsɛ nyaa vuu tɔ nandon, a kɔɔyi tɔɔ, “Sutu mãa m.” A kɔɔ nɔngkɔ tɔɔ vuu ɓɔɔ zang bee ka yeti labeenang Laa wu nwang kaa niizang.

Yɔhana 6:64

Zang ɓɔɔ kagn ka teteng manɛ, ri shing danggn gn kpang kɔ sasak.” Yeesɔ kɔɔ nɔngkɔ, ka ruu ɓɔɔ, zi zang ɓɔɔ ri shing danggn kpang nɛɛ zang ɓɔɔ ri naa nyɔ yuu ɓiɓɛ ɓi tɔ dòo ka tĩng ɓɛɛ.

Zang Shonang Yeesɔ 2:28

Mɔɔ tusu m gbalang ɓɔɔ n, sɔɔyi n wàlɛ́ Suru bii tɔ. Mɔɔ naa shing m ń tãa tĩnang ka tĩng ɓaaɓɛ.’

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.