Yɔhana 18:20 - Nyaa Shɔɔ Ɓɔɔ Laa a Ɓɛɛ

²⁰ Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.

Yɔhana 18:20 Σταυροειδείς Αναφορές

Matiyu 24:26

“Ka ruu nɔngkɔ, zang nɛɛ naa kɔɔ nɔɔ nɛɛ, Kirisi ka jĩngti, nɔɔ daa kpang. Ri nɛɛ ti kɔɔyi nɛɛ, wee ka yeti jaka tĩng ɓee, nɔɔ yee láa kagn kpang,

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Matiyu 26:65

Ɓɔɔ kpanti zang ɓɔɔ ri dɔɔ vuu ka Gãa Laa tãa naa weɓe, lɔɔsɔ fɔ̃ɔrɔ ɓɔɔ ka bii ɓiɓɛ. A kɔɔyi tɔɔ, “Yɔɔ keɓe kɔɔ ruu shi kpang tɔ, tuu yuu ɓiɓɛ, nɛɛ wu Jaa Laa. Ruu kasɛ zang ɓɔɔ wu kɔɔ rùu vuu ɓɔɔ wu palɛ ɓɛɛ takpang. Nɔɔ tãa vuu shi kpang ɓɔɔ wu kɔɔ kãntang keɓe tɔ nɛɛ shoo manɛ.

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 8:32

Kɔɔ ri ruu keɓe nɛɛ nyaa vuu jeenang kpang, kɔɔ ri waati, naa ɓɔɔ ri zi katɔ ɓɛɛ. Ka ruu nɔngkɔ, Bituru gɔ̃ɔ wu dang gbete, a mangkɛ wu.

Luka 21:37

Nɛɛ nɔng laagɛ̃, Yeesɔ tusu zang vuu ka Gãa Laa, nɔng zĩi nɛɛ a tɔ, wu yaa yeti gari, wu daa kaa kɔpɔ ɓɔɔ zang ɓaa nɛɛ Zeetung ɓɛɛ, wu daa roo ka nɔngkɔ.

Luka 4:15

Yeesɔ tusu zang vuu ka gãa zɔɔ kpalɛnang ɓarɛ, a zang ri dɔ̀ɔ́ wu dɔɔli.

Yɔhana 18:21

A mɔɔ hɛ̃ɛlɛ m ka ruu viya? Hɛ̃ɛlɛ rɛɛ zang ɓɔɔ ri tãa vuu ɓɔɔ n tusu ɓɛɛ. Hɛ̃ɛ ri vuu ɓɔɔ n kɔɔ ri. Ri zi vuu ɓɔɔ n kɔɔ tɔ.”

Yɔhana 6:59

Yeesɔ kɔɔ ruu keɓe ka ɓɔɔ bɛ̀ɛ́ wu tusu zang vuu ka gãa zɔɔ kpalɛnang ka Kafanahu ɓɛɛ.

Yɔhana 7:14

Diki nyaalaa daa tɔ dɛ̃ɛti, a Yeesɔ naa daa kaa Gãa Laa, a gàa zang yuu vuu tusunang kaa nɔngkɔ.

Yɔhana 7:26

A wee rang yee ka dalɛ waati ɓee. Zang ti ãa wu nyaa tɔɔ bii kpang. Zang bang bang zang Yahudi ri kasɛ tɔ kati, nɛɛ wukɔ Kirisi ya?

Yɔhana 7:28

Yeesɔ tusu zang vuu kana ka Gãa Laa, a mɛɛ nyaa ka lapa nɛɛ, “Nɔɔ zi m tɔ, a nɔɔ ti zi nɔng ɓɔɔ n a nɛɛ mani tɔ. N a m anang yuu mɛɛ kpang. Zang ɓɔɔ shong m ɓi niizang kɔ nwani. Nɔɔ zi wu kpang.

Yɔhana 7:4

Zang ɓɔɔ nɛɛ kasɛ nɛɛ zang zi wu nung, waasɛ bii katɔ wu palɛ vuu kpang. Wee mɔkɔ palɛ vuu keɓe ɓee, tusu yuu ɓaaɓɛ ta, tɔ̀ɔ, zang koo piti ri zi mɔɔ nung.”

Yɔhana 8:2

Nɛɛ gãndi zãngzãng, gbãayu tɔkn ka Gãa Laa, a zang dɔɔli ri kpálɛ̀ zɔɔ ka bii ɓiɓɛ. Nwang ka tipi a gaa ri yuu vuu tusunang kati.

Yɔhana 8:26

Vuu ɓɔɔ n kɔ̀ɔ́ ka yuu manɛ kagn dɔɔli, ɓɔɔ n dɔng nɔɔ ruu ka yuu ɓiɓɛ ɓɛɛ. Zang ɓɔɔ shong m suu sèé ɓi kpang, n ti kɔɔ zang koo keɓe m vuu ɓɔɔ n tãa ka nyaa ɓiɓɛ ɓɛɛ.”

Zang Shonang Yeesɔ 26:26

Kpanti Agiripa n kɔɔ mɔɔ ruu keɓe nyaa mɛɛ zaa kpang, ka ruu ɓɔɔ, mɔɔ zi vuu keɓe tɔ nandon ɓɛɛ. N ti zi tɔ vuu ɓɔɔ ɓa shoo ɓaaɓɛ kagn gbete ka yeti ruu keɓe kpang. Ka ruu ɓɔɔ, zang wáa katɔ zang palɛ vuu keɓe kpang ɓɛɛ.