Yɔhana 18:18 - Nyaa Shɔɔ Ɓɔɔ Laa a Ɓɛɛ

¹⁸ Sɔ̀ɔrɔ́ si katɔ, a rɛɛ zang ɓɔɔ ri palɛ zang shonang nɛɛ zang ɓɔɔ ri gã gãa, ri dɔɔ waa. Ri shiiri kaa nyaa waa nɛɛ waa wu nwãa ri bii. Bituru dàa kaa jong, dàa shii nɛɛ ri, nɛɛ waa wu nwãa wu bii jong.

Yɔhana 18:18 Σταυροειδείς Αναφορές

Maraku 14:54

Bituru dũng wu ka knti katara, a ri daa shɛ̃ɛ dabang gãa kpanti zang ɓɔɔ ri dɔɔ vuu ka Gãa Laa nɛɛ mani. A daa nwang nɛɛ zang ɓɔɔ ri gãng jĩng ka gãa kaɓa ka nyaa waa, ka ruu ɓɔɔ, sɔɔrɔ si katɔ ɓɛɛ.

Maraku 14:67

Ɓɔɔ wu zi Bituru nwáng sɔɔrɔ ka nyaa waa, pɛ̃ɛrɛ wu, a kɔɔyi tɔɔ, “Mɔɔ ɓaa doo zang ɓɔɔ bɛ̀ɛ́ dũng Yeesɔ yɔɔ Nazara ɓɛɛ kɔ.”

Luka 22:44

Rɛ̃rɛnang jĩng dannang keɓe, shing wu, gaa Laa kaa gbãng gbãng nɛɛ gn ɓiɓɛ gbete. Ka ruu nɔngkɔ, yannang sɔ̃lɔ nɛɛ nyaating ɓiɓɛ, mɔɔ kɔɔ nɛɛ zĩi sɔ̃lɔ.

Yɔhana 18:25

Bituru shii dòo ka nɔng ɓaasi nɛɛ waa wu nwãa wu bii. A zang ɓɔɔ ri shiiri nɛɛ wu, ri hɛ̃ɛ wu nɛɛ, “Mɔɔ dòo zang ɓɔɔ ri mantɛ vuu ka bii yɔɔ kaɓa kɔ kpang ya?” Bituru laa nyaa kɔɔyi tɔɔ, “Kpang, n m zang ɓiɓɛ kpang.”

Yɔhana 18:3

Ka ruu nɔngkɔ, Yahuda sèe rɛɛ sɔɔja nɛɛ zang ɓɔɔ ri gã Gãa Laa, ɓɔɔ rɛɛ zang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi ri shong ri ɓɛɛ, a daa nɛɛ ri ka vɔ̀ɔ́ laa inabi. Zang keɓe ri tùurù vuu waa ka naa, nɛɛ waa zàáng sɔɔ a ɓɔɔ waa tooshi.

Yɔhana 21:9

Ri a tɔ nyaa waapo, a ri zirɛ zang tèe waa tɔ nɛɛ shekere. Jaazĩi kagn yuu waa, a borodi ti kagn nɔng.

Zang Shonang Yeesɔ 4:23

Ɓɔɔ zang yáa Bituru nɛɛ Yɔhana naa, ri tantɛ daanang ka bii zang shonang ɓɔɔ nimbang. Ri daa kɔɔ ri vuu ɓɔɔ rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang bang bang zang Yahudi ri kɔɔ ɓɛɛ.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”