Yɔhana 17:4 - Nyaa Shɔɔ Ɓɔɔ Laa a Ɓɛɛ

⁴ N tusu zang koo bannang ɓaaɓɛ tɔ, ka ruu ɓɔɔ, n hangsɛ shonang ɓɔɔ mɔɔ a m nɛɛ n palɛ tɔ ɓɛɛ.

Yɔhana 17:4 Σταυροειδείς Αναφορές

Luka 22:37

N kɔ̀ɔ́ nɔɔ, vuu ɓɔɔ labeenang kɔɔ nɛɛ, ‘A zang ɓakɛ wu nɛɛ zang ɓɔɔ ri ta nyaa dannang ɓɛɛ.’ Nwang ditɔ niizang ka yuu mɛɛ. Ka ruu ɓɔɔ, vuu ɓɔɔ zang kɔɔ ka yuu mɛɛ nwáng kana niizang ɓɛɛ.”

Yɔhana 12:28

Daa mɛɛ palɛ vuu ɓɔɔ zang a mɔɔ bannang ɓɛɛ ta.” A zang tãa yee kaa nɛɛ lapa kɔɔyi nɛɛ, “N tusu zang bannang mɛɛ tɔ, n ti paasɛ ditɔ tɔkn.”

Yɔhana 14:13

N ti pàlɛ́ nɔɔ vuu piti ɓɔɔ nɔɔ gàá nɛɛ nung mɛɛ katɔ, tɔ̀ɔ, zang a Daa bannang kati ka ruu Jaa.

Yɔhana 14:31

N kasɛ nɛɛ zang koo keɓe ri zirɛ nɛɛ n kasɛ ruu Daa katɔ, ka ruu nɔngkɔ, n palɛ vuu piti naa ɓɔɔ wu kɔɔ m nɛɛ n palɛ ɓɛɛ. Nɔɔ yupaa ta ruu daa nɔɔ.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Yɔhana 19:28

Yeesɔ zi tɔ nɛɛ zang hangsɛ nyaa vuu tɔ nandon, a kɔɔyi tɔɔ, “Sutu mãa m.” A kɔɔ nɔngkɔ tɔɔ vuu ɓɔɔ zang bee ka yeti labeenang Laa wu nwang kaa niizang.

Yɔhana 19:30

Yeesɔ máa mii inabi ɓɔɔ gbang katɔ tɔ, a kɔɔyi tɔɔ, “Zang hangsɛ nyaa tɔ.” A ɓaa yuu ka dii, vɔ kati.

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Yɔhana 5:36

Vuu ɓɔɔ n palɛ, tusu zang vuu ka yuu mɛɛ, ɓa vuu ɓɔɔ Yɔhana kɔɔ ka yuu mɛɛ katɔ. Shonang ɓɔɔ Daa mɛɛ a m nɛɛ n palɛ kɔ, n palɛ ɓee. Wukɔ tusu zang, tɔɔ zang zi kagn nɛɛ Daa kɔ shong m.

Yɔhana 9:3

Yeesɔ kɔɔ ri tɔɔ, “Wu yɔɔ kɔ palɛ vuu shi kpang, kpang, wu ti rɛɛ zang ɓɔɔ ri yi wu ɓɛɛ kpang. Zang yi wu jĩng ringtang, tɔ̀ɔ, zang zi naa vuu palɛnang Laa, ka ɓɔɔ palɛ shonang ka bii yɔɔ ɓɛɛ.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.