Yɔhana 17:3 - Nyaa Shɔɔ Ɓɔɔ Laa a Ɓɛɛ

³ Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 17:3 Σταυροειδείς Αναφορές

Maraku 9:37

“Zang ɓɔɔ ta jaa ɓɔɔ tɔkɔlɔng ɓɔɔ naa weɓe ka nung mɛɛ, tà nkɔ. Zang ɓɔɔ nɛɛ ti ta m, ta ɓi nkɔ shɛ̃ɛning kpang, ta m nɛɛ zang ɓɔɔ shong m ɓɛɛ ning.”

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 11:42

N zi tɔ, mɔɔ tãarɛ m katɔ diki diki. N kɔɔ vuu keɓe ka ruu zang kɔ ri shiiri ka nihn ɓee, tɔ̀ɔ, ri shing danggn kati nɛɛ mɔkɔ shong m.”

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 17:18

N shong ri ka koo naa ɓɔɔ mɔɔ shong m ka koo ɓɛɛ.

Yɔhana 17:21

N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Yɔhana 17:25

Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Yɔhana 6:57

Naa ɓɔɔ Daa ɓɔɔ shíng zang, zang nwang ningkãari ɓɔɔ wukɔ shong m, shing m n nwàng ningkãari. Naa zang ɓɔɔ shaa yɔpɔ bii mɛɛ, n shing wu doo nɔngkɔ, wu nwang ningkãari.

Yɔhana 7:29

N zi wu m tɔ, ka ruu ɓɔɔ, n à nɛɛ bii ɓiɓɛ kɔ. Wukɔ ti shong m ɓɛɛ.”

Yɔhana 8:19

A ri hɛ̃ɛ wu nɛɛ, “Daa ɓaaɓɛ ɓu kiya?” Yeesɔ kasɛ ri nyaa tɔɔ, “Nɔɔ zi m kpang, nɔɔ ti zi Daa mɛɛ doo kpang kɔ. Naa nɔɔ nɛɛ zi m tɔ, nɔɔ nɛɛ ti zi Daa mɛɛ tɔ kɔ doori.”

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

1 Koranti 8:4

Ka ruu vuu shaanang ɓɔɔ zang bang vaka nɛɛ mani ɓɛɛ. Ruu zi tɔ nɛɛ, suru ɓi kagn bii vaka kpang. Ruu ti zi tɔ nɛɛ Laa ɓi gbete kɔ nwani.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Filipi 3:10

N kasɛ m vuu gbete, wukɔ nɛɛ, n zi Kirisi nɛɛ yuu ɓiɓɛ, n ti zi naa vuu palɛnang ɓɔɔ nwangnɛ, ka ruu ɓɔɔ, Laa wisi wu paa nɛɛ saa. N kasɛ n ɓakɛ yuu jong nɛɛ wu, n dang jĩng, n nwang kaa jong naa wu ka vɔrɔ ɓɔɔ wu vɔ ɓɛɛ.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

1 Tesalonika 1:9

Zang kaɓa nandon, ri kɔ̀ɔ ruu naa ɓɔɔ nɔɔ ta ruu ka ɓɔɔ ruu naa leng nɔɔ ɓɛɛ. A ɓɔɔ ti naa ɓɔɔ nɔɔ yaa vaka bannang, nɔɔ naa bang kaa Laa ɓɔɔ wukɔ niizang, a ɓi ti ningkãari ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

2 Bituru 1:2

Laa wu palɛ nɔɔ tɔ̃ɔ, wu shingnɛ yeti manɛ wu ti valɛ katɔ, ka ɓɔɔ nɔɔ zi vuu ka yuu Laa nɛɛ yuu Kpanti ɓuru Yeesɔ ka yuu zɔɔ, yuu zɔɔ ɓɛɛ.

2 Bituru 1:3

Yeesɔ Kirisi kɔ shingnɛ a ruu zi Laa ɓɔɔ wukɔ zɔ̃ng ruu nɛɛ ruu nwang nɛɛ wu ka nɔng bannang ɓiɓɛ ɓɛɛ, a ruu ti nwang zɔ̃ng nwannang tɔ̃ɔ ɓiɓɛ. Ka ruu ɓɔɔ, ruu zi Laa tɔ, a ruu vuu piti nɛɛ naa vuu palɛnang ɓiɓɛ. Vuu ɓɔɔ yi ruu naa kagn, ruu nwang nwannang tɔ̃ɔ, ruu ti dũng gbalang ɓɔɔ Laa tãa tĩnang ɓɛɛ.

2 Bituru 1:8

Naa nɔɔ palɛ rɛɛ vuu keɓe diki diki, zinang ɓɔɔ nɔɔ zì Kpanti ɓuru Yeesɔ Kirisi naa nwǎng nɔɔ vuu ɓɔɔ katɔ. Nwannang manɛ ti nwǎng nɔɔ vuu ɓɔɔ katɔ.

1 Yɔhana 1:2

Ɓɔɔ Laa naa nwangsɛ wu yuu, ruu zi wu, a ruu ti kɔɔ nɔɔ vuu ɓɔɔ ruu zi nɛɛ jĩng ɓuru. Ruu kɔɔ nɔɔ ruu zang ɓɔɔ nwáng nɛɛ Daa ka tĩng, a Daa naa nwàngsɛ̀ ruu wu kati.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

1 Yɔhana 2:23

Zang ɓɔɔ bɛ̃ɛ Jaa, Daa ɓi kagn yeti ɓiɓɛ kpang. Zang ɓɔɔ nɛɛ ta Jaa, Daa ɓi kagn yeti ɓiɓɛ kɔ doori.

1 Yɔhana 4:6

Ruu ɓuru zang Laa. Zang ɓɔɔ zi Laa katɔ, ri ɓaa shoo ɓi katɔ nyaa ɓuru. Zang ɓɔɔ zang Laa kpang, ti ɓaa shoo ɓi ka nyaa ɓuru kpang. Ruu zi suru ɓɔɔ niizang, nɛɛ suru ɓɔɔ sèé nung naa weɓe kɔ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.