Yɔhana 17:10 - Nyaa Shɔɔ Ɓɔɔ Laa a Ɓɛɛ

¹⁰ Zang mɛɛ piti ɓi ɓɔɔ ɓaaɓɛ, a zang ɓaaɓɛ piti ti ɓɔɔ mɛɛ. N ti walɛ bannang tɔ ka ruu ɓarɛ.

Yɔhana 17:10 Σταυροειδείς Αναφορές

Yɔhana 10:30

Ɓɔɔ n nɛɛ Daa ruu gbete.”

Yɔhana 11:4

Ɓɔɔ Yeesɔ tãa ruu keɓe, kɔɔyi tɔɔ, “Kɔnang keɓe nyɔ wu vɔrɔ kpang. Vuu keɓe pálɛ̀ nɔngkɔ, tɔ̀ɔ, wu tusu zang bannang Laa, wu ti tusu zang bannang Jaa Laa kaa jong.”

Yɔhana 12:23

Yeesɔ kasɛ ri nyaa tɔɔ, “Diki ɓɔɔ zang a Jaa Shɔnzang bannang kagn a tɔ.

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Zang Shonang Yeesɔ 19:17

Zang ɓɔɔ ri ka Afisa, rɛɛ zang Yahudi nɛɛ zang ɓɔɔ ri zang Isirela kpang, ri tãa vuu keɓe katɔ nandon. Zang ri ti kaa vɔrɔ nandon, a zang dɔɔ nung Kpanti Yeesɔ kati.

Galati 1:24

A ri dɔɔ Laa ka ruu mɛɛ.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

Kolosi 2:9

Ka ruu ɓɔɔ, nwannang Laa nandon ɓi ka bii shɔnzang Yeesɔ kɔ ɓɛɛ,

2 Tesalonika 1:10

Ka diki ɓɔɔ wu arɛ ɓɛɛ, tɔ̀ɔ zang ɓiɓɛ nandon ɓɔɔ ri shing danggn tɔ, ri dɔ̀ɔ wu ri a wu bannang kati. Nɔɔ naa nwang jong ka teteng ɓarɛ, ka ruu ɓɔɔ, nɔɔ shíng danggn tɔ, ka ruu ɓɔɔ, ruu kɔ̀ɔ nɔɔ ɓɛɛ.

2 Tesalonika 1:12

Ka naa weɓe kɔ, zang a Kpanti ɓuru Yeesɔ bannang ka ruu shonang ɓɔɔ wu palɛ nɛɛ bii manɛ ɓɛɛ. A ɓɔɔ nɔɔ ti palɛ nɛɛ bii ɓiɓɛ, ka Ruu Tɔ̃ɔ Laa ɓuru, nɛɛ ɓɔɔ Kpanti ɓuru Yeesɔ Kirisi.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.