Yɔhana 16:4 - Nyaa Shɔɔ Ɓɔɔ Laa a Ɓɛɛ

⁴ N kɔɔ nɔɔ vuu keɓe, ka ruu ɓɔɔ, laa ɓɔɔ ri palɛ vuu keɓe nɛɛ a tɔ, nɔ́ɔ kpaa danggn kati nɛɛ bɛ̀ɛ́ n kɔɔ nɔɔ tɔ ɓɛɛ. N kɔ̀ɔ nɔɔ ruu keɓe ka tĩng kpang, ka ruu ɓɔɔ, bɛ̀ɛ́ n doo nɛɛ nɔɔ ɓɛɛ.

Yɔhana 16:4 Σταυροειδείς Αναφορές

Matiyu 10:7

Nɔɔ nɛɛ daa kana, nɔɔ kɔɔ zang Ruu Laa nɛɛ, ‘Kpanti roonang Laa a naabm tɔ.’

Matiyu 24:25

Nɔɔ shing danggn kagn, ka ruu ɓɔɔ, n kɔɔ nɔɔ tɔ ɓɛɛ.

Matiyu 9:15

Yeesɔ kasɛ ri nyaa tɔɔ, “Sinyɛ ɓeevɛ ɓeesang ri seng nyaalaa ka diki ɓɔɔ, sinyɛ ɓeevɛ doo nɛɛ ri ɓɛɛ ya? Diki ɓɔɔ zang naa tuu sinyɛ ɓeevɛ kagn a doo naa, tɔɔ ri naa seng nyaalaa kati.

Maraku 13:23

Nɔɔ gãng jĩng kagn, n kɔɔ nɔɔ vuu keɓe tɔ piti ka tĩng.

Maraku 2:19

A Yeesɔ kasɛ ri nyaa tɔɔ “sinyɛ ɓeevɛ ɓeesang, sèng nyaalaa ka diki ɓɔɔ sinyɛ ɓeevɛ doo nɛɛ ri kpang.

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Yɔhana 13:19

N kɔɔ nɔɔ vuu keɓe kãntang, bɛ̀ɛ́ vuu bìí palɛ gn kpang. Nɛɛ palɛ tɔ, nɔɔ zi kaa gn nɛɛ nkɔ zang ɓɔɔ n kɔɔ nɔɔ nɛɛ n wukɔ ɓɛɛ.

Yɔhana 14:29

N kɔ̀ɔ nɔɔ vuu keɓe tɔ, bɛ̀ɛ́ palɛ gn kpang, ka ruu ɓɔɔ nɛɛ naa nwang tɔ niizang nɔɔ shing danggn kaa bii mɛɛ ɓɛɛ.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

2 Tesalonika 2:5

Danggn ning nɔɔ katɔ ya? Ɓɔɔ n doo nɛɛ nɔɔ, n kɔɔ nɔɔ vuu keɓe tɔ nandon.

2 Bituru 1:14

N zi tɔ, diki yaa ka tɔkɔlɔng n vɔ kaa tɔ, naa ɓɔɔ Kpanti ɓuru Yeesɔ Kirisi kɔɔ m dòo tɛ̃ɛ tɛ̃ɛ ɓɛɛ.