Yɔhana 16:20 - Nyaa Shɔɔ Ɓɔɔ Laa a Ɓɛɛ

²⁰ N kɔ̀ɔ́ nɔɔ ruu ɓɔɔ niizang kɔ nwani, nɔɔ naa kaayi, nɔɔ ɓaa nyaavaa, zang koo ri tãa ɓarɛ tĩnang. Yeti manɛ naa lasɛ, yeti lasɛnang manɛ naa raa tĩnang tãanang ditɔ.

Yɔhana 16:20 Σταυροειδείς Αναφορές

Matiyu 21:38

“A ɓɔɔ ri zi jaa yɔɔ a kana, ri tɔ̀ng zɔɔ tɔɔ, ‘Wee jaa ɓɔɔ naa shaa vuu vɔ ɓiɓɛ kɔ, nɔɔ a ta ruu nyɔ wu vɔrɔ, tɔ̀ɔ jaa wu nwang ɓɔɔ ɓuru kati.’

Matiyu 5:4

Tĩnang tãanang ɓi ɓɔ̀ɔ́ zang ɓɔɔ ri káa katɔ ɓɛɛ, Kpanti Laa naa àlɛ́ ri miiri ditɔ.

Maraku 14:72

Ɓɔɔ Bituru hangsɛ nyaa kɔɔnang hn, kpaasakn naa paasɛ nyaa daa kaa doo ziti. A Bituru naa kpaa danggn vuu ɓɔɔ Yeesɔ kɔɔ wu kati. Bɛ̀ɛ́ Yeesɔ kɔɔ Bituru tɔɔ, “Ɓɔɔ kn naa ɓaa nyaa daa doo ziti, bɛ̀ɛ́ mɔɔ laa nyaa mɛɛ tɔ daa dakn taati.” A Bituru káa kaa zɛ̃ɛzɛ̃ɛ.

Maraku 16:10

A Marayamu daayi daa kɔɔ zang ɓɔɔ bɛ̀ɛ́ ri nwálɛ́ nɛɛ Yeesɔ ɓɛɛ kati. Marayamu daa ĩi ri, bɛ̀ɛ́ ri kaa nyavɔ doo naa.

Luka 22:45

“Yupaa nɛɛ nɔng ɓɔɔ wu gaa Laa ɓɛɛ, a ka bii rɛɛ zang ɓɔɔ ri mantɛ vuu ka bii ɓiɓɛ ɓɛɛ, a ĩi ri, hingro yiki ri tɔ, ka ruu ɓɔɔ, yeti ɓarɛ lasɛ dɔɔli ɓɛɛ.

Luka 22:62

A nwang ka biling, kaa zɛ̃ɛzɛ̃ɛ.

Luka 23:27

Ka teteng zang dɔɔli ɓɔɔ ri dũng Yeesɔ ka knti, zang soro kagn ɓɔɔ ri kaa nyavɔ ri ti ɓaarɛ nyaavaa.

Luka 24:17

A hɛ̃ɛ ri tɔɔ, “Nɔɔ rangkɛ yee vi nɛɛ zɔɔ ka gbalang viya?” Ri shiiyi, ri zaa katɔ.

Luka 24:21

Bɛɛ ruu shing danggn ɓuru nɛɛ, wukɔ naa ta yuu zang Isirela. Ti wee kɔ shɛ̃ɛning kpang, lɛɛkɔ keɓe diki daa kaa taati ɓɔɔ zang palɛ vuu keɓe ɓɛɛ.

Luka 6:21

Tĩnang tãanang ɓi ɓɔɔ manɛ, ɓɔɔ nyɔkɔ nyɔ nɔɔ katɔ kãntang keɓe ɓɛɛ, Laa naa a nɔɔ vuu shaanang ɓɔɔ yi nɔɔ buru ɓɛɛ ditɔ. “Tĩnang tãanang ɓi ɓɔɔ manɛ ɓɔɔ nɔɔ kaa nyavɔ kãntang keɓe ɓɛɛ, ka ruu ɓɔɔ, nɔɔ naa laarɛ ditɔ ɓɛɛ.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Yɔhana 16:6

Wee n kɔɔ nɔɔ kãntang ɓee, yeti manɛ lasɛ dɔɔli kaa tɔ kɔ jong.

Yɔhana 20:20

Kɔɔ vuu keɓe tɔ, a tusu ri naa ɓiɓɛ nɛɛ kagn. Ɓɔɔ zang ɓɔɔ ri mantɛ vuu ka bii ɓiɓɛ, ri zi Kpanti Yeesɔ naa weɓe, ri tãa tĩnang dɔɔli.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 5:11

Wu wee kɔ shɛ̃ɛning kpang. Laa shingnɛ nɛɛ, ruu tãa tĩnang nɛɛ bii Kpanti ɓuru Yeesɔ Kirisi ɓɔɔ shing ruu tɔ kãntang ruu kaa wusang Laa ɓee.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

Yakubu 1:2

Rɛɛ manzung, nɔɔ tãa manɛ tĩnang kɔ jong, naa zang gãsɛ nɔɔ nɛɛ vuu ka zɔ̃ng zɔ̃ng ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 11:10

Zang koo keɓe ri naa gaarɛ zɔɔ, ri tãa tĩnang ka ruu vɔrɔ zang ziti keɓe. Ri alɛ zɔɔ vuu waati ka ruu ɓɔɔ zang nyaa shonang Laa kaɓa, ri kɔɔ Ruu Laa, ri dang zang ɓɔɔ ri nwalɛ ka koo jĩng dɔɔli ɓɛɛ.

Vuu ɓɔɔ zang nwangsɛ Yɔhana 18:7

Naa ɓɔɔ ɓeleng wu a yuu ɓiɓɛ bannang, a ti nwangnɛ tãa tĩnang ɓɛɛ, wu ti dang jĩng ta, wu ti zaa doo nɔngkɔ teetee. Ka ruu ɓɔɔ, kɔɔrɔ yuu ɓiɓɛ nɛɛ, ‘N m kpanti, n m suvɔ kpang. N kaa nyavɔ m kpang dòndòng ɓɛɛ.’ ”