Yɔhana 15:4 - Nyaa Shɔɔ Ɓɔɔ Laa a Ɓɛɛ

⁴ Nɔɔ nwáng nɛɛ n, n ti nwáng nɛɛ nɔɔ. Nasãng ɓɔɔ nɛɛ ka bii laa inabi kpang ra jaa ɓi kpang. Nɔɔ doo nɔngkɔ, nɔɔ nɛɛ nwáng nɛɛ n kpang, nɔɔ zunung vuu ɓɔɔ palɛnang kpang.

Yɔhana 15:4 Σταυροειδείς Αναφορές

Matiyu 12:33

“Láa nɛɛ tɔ̃ɔ, ti naa ra jaa ɓi doo tɔ̃ɔ kɔ. Laa nɛɛ shi kpang, ti naa ra jaa ɓi doo shi kpang kɔ. Ka ruu ɓɔɔ, zang zi laa nung ɓi ka jaa ɓɔɔ wu ra ɓɛɛ.

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Yɔhana 14:20

Diki kaɓa nɛɛ a tɔ, nɔɔ naa zi ka lɛ̀ɛ́kɔ nɛɛ, Daa ka yeti mɛɛ, n ti kagn yeti ɓiɓɛ. A ɓɔɔ n nɛɛ nɔɔ, ruu ti gbete.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Yɔhana 6:56

Zang ɓɔɔ nɛɛ shaa yɔpɔ bii mɛɛ, nɛɛ ti ɓoo zĩi mɛɛ, nwang ɓi nɛɛ n, n ti nwáng ka yeti ɓiɓɛ.

Yɔhana 8:31

Yeesɔ kɔɔ zang Yahudi ɓɔɔ ri shing danggn tɔ, ka bii ɓiɓɛ nɛɛ, “Nɔɔ nɛɛ yiti ruu kɔ n tusu nɔɔ ɓee gbãng gbãng, nɔɔ zang ɓɔɔ ri mantɛ vuu ka bii mɛɛ ɓɔɔ niizang kɔ.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

2 Koranti 13:5

Nɔɔ gãsɛ yuu manɛ karɛ nɔɔ zirɛ, naa nɔɔ nwang doo nwannang danggn ɓɔɔ nɔɔ shing ka bii Yeesɔ Kirisi ɓɛɛ ya? Nɔɔ gãsɛ yuu manɛ ta. Nɔɔ zi tɔ niizang Kirisi nwang ka yeti manɛ. Nɔɔ nɛɛ zi kpang, bɛ̀ɛ́ vuu ɓɔɔ nɔɔ gãsɛ yuu manɛ nɛɛ mani ɓa kaka manɛ tɔ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 2:6

Wee nɔɔ tá Yeesɔ Kirisi tɔ, nɛɛ wu nwang Kpanti manɛ ɓee, nɔɔ nwangnɛ, nɔɔ ɓakɛ yuu nɛɛ wu.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

Yahudi 10:39

A rùu ɓuru kaa tɔ̀ɔ́ ka teteng zang ɓɔɔ ri gɔ̃ bii nɛɛ knti, ri shaarɛ ɓɛɛ kpang. Ruu ɓuru ka teteng zang ɓɔɔ ri shing danggn, a Laa wu ta yuu ɓarɛ ɓɛɛ.

1 Yɔhana 2:6

Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.