Yɔhana 15:2 - Nyaa Shɔɔ Ɓɔɔ Laa a Ɓɛɛ

² Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 15:2 Σταυροειδείς Αναφορές

Matiyu 13:12

Zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Tɔɔ, vuu ɓiɓɛ wu shang kaa gaagaa. Zang ɓɔɔ vuu ɓiɓɛ kagn kpang, naa doo ɓɔɔ wu yiti ka naa tɔkɔlɔng, zang ti tarɛ, zang yaa wu naa waati.

Matiyu 13:33

Yeesɔ ti rang ri nyaa vuu jeenang ɓɔɔgn tɔɔ, “Kpanti roonang Laa nwang naa vuu ɓɔɔ zang ɓaa nɛɛ yisi ɓɛɛ. Zang soro ya tɔkɔlɔng nwɛ̃ɛtɛ nɛɛ zũng ɓɔɔ zang palɛ borodi nɛɛ mani, waka bang bang taati, wu shingnɛ zũng wu puuyi ɓɛɛ.”

Matiyu 15:13

Yeesɔ kasɛ ri nyaa tɔɔ, “Vuu piti ɓɔɔ wu Daa mɛɛ ɓɔɔ ka lapa shɔrɛ kpang, zang naa ru ɓi ditɔ.

Matiyu 21:19

A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Matiyu 25:29

ka ruu ɓɔɔ, zang piti ɓɔɔ vuu ɓiɓɛ kagn zang naa gisi wu ɓɔɔgn ditɔ tɔkn, tɔ̀ɔ ɓɔɔ ɓiɓɛ wu shang kati. A zang piti ɓɔɔ vuu ɓiɓɛ kagn dɔɔli kpang, vuu ɓɔɔ ka naa ɓiɓɛ tɔkɔlɔng, zang naa ta ditɔ.’

Matiyu 3:10

Kãntang keɓe, zang ɓáa nyaa kãasãng tɔ ka dimbang laa, laa piti ɓɔɔ ra jaa tɔ̃ɔ kpang, zang dɔngnɛ zang tasɛ ka yeti waa.

Matiyu 3:12

Vuu ɓɔɔ wu hã́lɛ̀ vuu nɔng, kagn naa ɓiɓɛ, naa kòoró dadong ɓiɓɛ ditɔ, tɔ̀ɔ, wu kpalɛ jĩng vuu ɓiɓɛ ka bɔ̃nɔ, wu yaa gãrɛ ɓiɓɛ, wu dɔɔ nɛɛ waa ɓɔɔ ning ɓi kpang ɓɛɛ.”

Matiyu 7:19

Laa piti ɓɔɔ ra jaa tɔ̃ɔ kpang, zang dɔngnɛ, zang tasɛ ka waa.

Maraku 4:20

Zang ɓɔɔ ri nwang ɓarɛ naa jĩng vuu ɓɔɔ shili ka tipi tɔ̃ɔ ɓɛɛ. Ri tãa Ruu Laa, ri tarɛ, Ruu Laa nwang ri vuu tɔ̃ɔ, ri naa nwang ka naa jĩng vuu ɓɔɔ ra jaa bmati tu kopi, ɓɔɔ laa taati, a ɓɔɔ laa maani ɓɛɛ.”

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Yɔhana 15:1

“Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, N nwang naa laa inabi ɓɔɔ tɔ̃ɔ ɓɛɛ. Daa mɛɛ ɓi kaa zang ɓɔɔ gãng jĩng ka laa inabi ɓɛɛ.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:3

Ruu ɓɔɔ n kɔɔ nɔɔ, a nɔɔ tarɛ ɓɛɛ, shíng nɔɔ manɛ tɔ, vuu shi kpang ɓi tɔ̀ɔ́ kagn bii manɛ kpang.

Yɔhana 15:6

Zang ɓɔɔ nɛɛ nwang nɛɛ n kpang, zang kaɓa nwang naa nasãng ɓɔɔ zang tásɛ̀, wu tɔɔrɔ ɓɛɛ. Zang kpalɛ nasãng ɓɔɔ naa weɓe zang vang ka waa, waa wu shaa ri.

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Rooma 11:17

Zang dɔlɔ nasãng laa inabi ɓɔɔ zang ɓaa katɔ ɓɛɛ tɔ, a zang atɛ nasãng laa inabi ɓɔɔ ta nɛɛ yuu ɓiɓɛ ka waala zang naa tiisi ka nɔng ɓarɛ. A nɔɔ ɓɔɔ nɔɔ nwang naa laa inabi ɓɔɔ ta ka waala ɓɛɛ, kãntang keɓe nɔɔ wàlɛ́ manɛ kaa vuu tɔ̃ɔ ɓɔɔ a nɛɛ bii laa inabi ɓɔɔ zang ɓaa katɔ ɓɛɛ.

Rooma 11:22

Ka ruu nɔngkɔ, nɔɔ zi naa ɓɔɔ Laa jɛ̃ɛ zang ruu nɛɛ gnvɔ, nɛɛ tɔ̃ɔ ɓɔɔ wu palɛ zang ɓɛɛ. Jɛ̃ɛ zang ɓɔɔ ri palɛ vuu shi kpang ruu nɛɛ gnvɔ ning, a pàlɛ́ ɓi kaa nɔkɔ tɔ̃ɔ, nɔɔ nɛɛ yaa tɔ̃ɔ ɓɔɔ wu palɛ nɔɔ kpang ɓɛɛ. Naa nɔngkɔ kpang, zang dɔlɔ nɔɔ ditɔ jong.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.