Yɔhana 15:16 - Nyaa Shɔɔ Ɓɔɔ Laa a Ɓɛɛ

¹⁶ Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:16 Σταυροειδείς Αναφορές

Matiyu 21:22

Naa nɔɔ shing danggn ka bii Kpanti Laa tɔ̃ɔ, vuu ɓɔɔ nɔɔ gàa wu piti, nɔɔ walɛ katɔ.”

Matiyu 7:7

“Nɔɔ gaa ta ka naa Laa, a nɔɔ katɔ. Nɔɔ kãa ta, nɔɔ ti ĩi katɔ. Nɔɔ ɓáa nyaa ta, Laa kasɛ nɔɔ nyaa katɔ.

Luka 6:13

Nɔng naa gãntɛ tɔ, a naa ɓaa nyaa ka zang ɓɔɔ ri mantɛ vuu ka bii ɓiɓɛ, a shɛ̃ɛrɛ zang kopi tu ziti a tɔɔ nɛɛ ri ɓarɛ kaa zang shonang ɓiɓɛ. Zang shonang ɓɔɔ Yeesɔ shɛ̃ɛrɛ kaɓa, zang ɓaa ri nɛɛ,

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 15:19

Naa nɔɔ nɛ̀ɛ́ zang ɓɔɔ ri zi Laa kpang, ri nɛɛ kàsɛ́ nɔɔ katɔ. N shɛ̃ɛrɛ nɔɔ nɛɛ koo keɓe kɔ, nɔɔ manɛ tɔ̀ɔ́ zang ɓarɛ kpang, ka ruu nɔngkɔ, ri kasɛ nɔɔ kpang.

Yɔhana 15:5

“Nkɔ laa inabi, nɔɔ manɛ kaa nasãng. Zang ɓɔɔ nɛɛ nwáng nɛɛ n, n nɛɛ ti nwang nɛɛ wu, wukɔ ra jaa dɔɔli. Ka ruu ɓɔɔ, n nɛɛ kpang, nɔɔ zunung vuu ɓɔɔ palɛnang kpang ɓɛɛ.

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Zang Shonang Yeesɔ 1:24

A ri gaa Laa tɔɔ, “Kpanti, mɔkɔ zi yeti zang piti, ka ruu nɔngkɔ, tusu ruu zang ɓɔɔ mɔɔ zɔ̃ng ka teteng zang ziti keɓe ta,

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 10:41

Wu zang piti ri zi wu kpang, ɓi rukɔ ɓɔɔ Laa shɛ̃ɛrɛ ruu katɔ kɔ zi wu shɛ̃ɛning. Rùu shaa vuu shaanang, a ruu ɓoo vuu nɛɛ wu ka knti ɓɔɔ wu seepaa tɔ nɛɛ saa ɓɛɛ.

Zang Shonang Yeesɔ 22:14

Kɔɔ m tɔɔ, ‘Làá rɛɛ dabang ɓuru zɔ̃ng mɔɔ nɛɛ mɔɔ zi vuu ɓɔɔ wu kasɛ ɓɛɛ, nɛɛ mɔɔ zi zang shonang ɓiɓɛ ɓɔɔ tɔ̃ɔ ɓɛɛ, nɛɛ mɔɔ ti tãa ruu nɛɛ nyaa ɓiɓɛ.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 1:13

Manzung, ɓɔɔ ri dũng doo Laa kɔ ɓɛɛ, n kasɛ nɔɔ zi vuu keɓe. N mang diki diki nɛɛ n daa leng nɔɔ, a vuu ɓɔɔ zãa m kagn. N kasɛ n shing zang ɓɔɔ ka teteng manɛ, ri dũng Laa naa ɓɔɔ n wàlɛ̀ zang ɓɔɔ ri dũng Laa ka teteng zang nimbang, ɓɔɔ ri ɓarɛ zang Yahudi kpang ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 15:4

Vuu ɓɔɔ zang bee ka yeti labeenang Laa piti, zang beeyi nɛɛ wu kpɛ̃ɛrɛ ruu, wu mã ruu danggn, tɔ̀ɔ, ruu shing gn kati.

Rooma 9:21

Zang ɓɔɔ mãarɛ ɓari palɛ tapɔng katɔ naa ɓɔɔ yeti ɓiɓɛ kasɛ ɓɛɛ. Ka tapɔng gbete keɓe, mãa ɓari katɔ nɛɛ mani ziti. Ɓɔɔ gbete wu shing ka ruu vuu shaanang nɔng mung nwannang. Ɓɔɔ gbete wu nwãarɛ vuu shaanang diki waati kagn.

1 Koranti 10:11

Vuu kɔ palɛ ri doo tɛ̃ɛ tɛ̃ɛ ɓa, nwàng ɓi kaa vuu ɓɔɔ shaarɛ zang nyaa nɛɛ, tɔ̀ɔ, ri palɛ kaa waasɛ̃ ɓɛɛ. Zang bèe vuu keɓe ka yeti labeenang nɛɛ tɔ̀ɔ, zang shaarɛ ruu nyaa nɛɛ mani. Ka ruu ɓɔɔ, rùu nwàng ɓuru kaa làa ɓɔɔ diki ɓɔɔ koo waa nyaa kagn a naabm tɔ ɓɛɛ.

Galati 1:15

A Laa palɛ m tɔ̃ɔ, zɔ̃ng m bɛ̀ɛ́ zang yi m gn kpang, a ɓaa m nyaa nɛɛ n naa palɛ wu shonang. A ɓɔɔ wu naa kasɛ ka yeti ɓiɓɛ,

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

Titu 1:5

N yaa mɔɔ ka tipi Karita n tɔɔ, mɔɔ hangsɛ vuu ɓɔɔ ruu palɛ, ruu yaa nyaa ka gbalang ɓɛɛ waasɛ̃. A mɔɔ ti zɔ̃ngkɔ zang bang ka Gãa Laa ka gari gari, naa ɓɔɔ n kɔɔ mɔɔ ɓɛɛ.

Yahudi 11:4

Danggn shinnang Habila shing wu, a á Laa vuu nɛɛ zang dɔɔyi, vuu ɓɔɔ Laa tãa tĩnang ɓa ɓɔɔ Kayinu katɔ ɓɛɛ. Danggn shinnang shingnɛ, Laa kɔɔyi nɛɛ, wu zang tɔ̃ɔ ka tĩng ɓiɓɛ, ka ɓɔɔ Laa kɔɔ ruu tɔ̃ɔ ka yuu vuu ɓɔɔ wu a ɓɛɛ. A danggn shinnang ɓiɓɛ kɔ shingnɛ, vɔ tɔ doo tɛ̃ɛ tɛ̃ɛ, zĩi ɓiɓɛ kaa doo naa, nɛɛ Laa wu waa wu pãng ta.

Yakubu 3:18

Zang ɓɔɔ ri kasɛ nɛɛ zang ri nwang ka nyaa zɔɔ, ri pálɛ́ vuu ɓɔɔ tɔ̃ɔ ɓɛɛ, tɔɔ ri shing zang, zang ri nwang kaa nyaa zɔɔ.

1 Bituru 3:15

Shing jĩng ɓaa ka ɓɔɔ mɔɔ a Yeesɔ Kirisi bannang kɔ jong gbete. Wu nwáng kpanti ɓaaɓɛ ka vuu piti. Nɔɔ kpalɛ bii manɛ katɔ diki diki, nɔ́ɔ kɔɔ zang ɓɔɔ ri hɛ̃ɛ nɔɔ vuu ɓɔɔ palɛ, nɔɔ shing danggn ka bii Yeesɔ Kirisi ɓɛɛ.

1 Bituru 3:2

Ka ruu ɓɔɔ, varɛ manɛ ri zìlí nwannang tɔ̃ɔ manɛ, ri ti zìlí naa ɓɔɔ nɔɔ kaa vɔrɔ Laa ɓɛɛ.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.