Yɔhana 14:6 - Nyaa Shɔɔ Ɓɔɔ Laa a Ɓɛɛ

⁶ Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 14:6 Σταυροειδείς Αναφορές

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 1:4

Suru bii ɓɔɔ waa nyaa kpang ɓi ka bii Ruu keɓe kɔ. Suru bii keɓe wukɔ yakɛ shɔnzang nɔng.

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 10:7

Ka ruu nɔngkɔ, Yeesɔ kɔɔ tɔkn nɛɛ, “N kɔɔ nɔɔ ruu ɓɔɔ niizang kɔ nwani, nkɔ nyaa vàa mɛ̀ɛrɛ́.

Yɔhana 10:9

Nkɔ nyaa vàa. Zang ɓɔɔ nɛɛ tù nɛɛ bii mɛɛ, zang ta yuu ɓiɓɛ katɔ. Ti hãa nyaa, wu nwangnɛ, wu ti walɛ nɔng shaanang ɓɔɔ tɔ̃ɔ ɓɛɛ.

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 15:1

“Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, N nwang naa laa inabi ɓɔɔ tɔ̃ɔ ɓɛɛ. Daa mɛɛ ɓi kaa zang ɓɔɔ gãng jĩng ka laa inabi ɓɛɛ.

Yɔhana 18:37

A Bilatu hɛ̃ɛ wu kati tɔɔ, “Mɔɔ ɓu Kpanti ya?” Yeesɔ kasɛ wu nyaa tɔɔ, “Naa ɓɔɔ mɔɔ kɔɔ ɓɛɛ, n Kpanti kɔ. N a ka koo keɓe, a zang yi m nɛɛ n kɔɔ zang ruu ɓɔɔ niizang. Zang ɓɔɔ nɛɛ kasɛ ruu ɓɔɔ niizang katɔ, ɓaa shoo katɔ ka yee mɛɛ.”

Yɔhana 5:21

Naa ɓɔɔ Daa wisi zang paa nɛɛ sàa, wu a ri suru bii, Jaa ti a zang ɓɔɔ wu kasɛ, suru bii doo nɔngkɔ.

Yɔhana 6:33

Ka ruu ɓɔɔ, borodi Laa, ɓi zang ɓɔɔ à nɛɛ lapa á zang koo keɓe suru bii ɓɛɛ.”

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Yɔhana 6:57

Naa ɓɔɔ Daa ɓɔɔ shíng zang, zang nwang ningkãari ɓɔɔ wukɔ shong m, shing m n nwàng ningkãari. Naa zang ɓɔɔ shaa yɔpɔ bii mɛɛ, n shing wu doo nɔngkɔ, wu nwang ningkãari.

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Yɔhana 8:32

Nɔɔ naa zi ruu ɓɔɔ niizang katɔ, ruu ɓɔɔ niizang keɓe, ti yaa nɔɔ naa katɔ.”

Yɔhana 8:51

N kɔ̀ɔ́ nɔɔ, ruu ɓɔɔ niizang kɔ nwani, zang ɓɔɔ nɛɛ yiti ruu mɛɛ ka yeti ɓiɓɛ vɔ kpang dòndòng.”

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Zang Shonang Yeesɔ 4:12

“Zang ɓɔɔ ta yuu zang ɓɔɔ takpang, ka ruu ɓɔɔ, zang ɓɔɔ kagn ka koo keɓe gbete ɓɔɔ Laa a zang nung ɓiɓɛ, nɛɛ wukɔ ta yuu zang ɓɛɛ kpang ɓɛɛ.”

Zang Shonang Yeesɔ 9:2

a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Rooma 5:21

Ka ruu nɔngkɔ, naa ɓɔɔ vuu shi kpang roo kpanti nɛɛ bii vɔrɔ, tɔ̃ɔ Laa ti roo kpanti doo nɔngkɔ nɛɛ bii nwannang tɔ̃ɔ ka tĩng Laa. Tɔ̀ɔ, ruu walɛ suru ɓɔɔ waa nyaa kpang nɛɛ bii Kpanti ɓuru Yeesɔ Kirisi.

1 Koranti 15:45

Ka yeti labeenang Laa, zang beeyi nɛɛ, “Laa mãa Adamu, ɓɔɔ wukɔ shɔnzang ɓɔɔ nwang ningkãari shɔɔnang ɓɛɛ.” A Adamu ɓɔɔ a doo knti ɓɔɔ wukɔ Kirisi ɓɛɛ, ɓi kaa suru ɓɔɔ arɛ, nɛɛ wu a zang suru bii ɓɛɛ.

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Kolosi 2:17

Vuu keɓe nandon nwàng ɓi naa jasuru vuu ɓɔɔ a doo ka tĩng ɓɛɛ. Vuu ɓɔɔ niizang ɓi Yeesɔ Kirisi.

Kolosi 2:9

Ka ruu ɓɔɔ, nwannang Laa nandon ɓi ka bii shɔnzang Yeesɔ kɔ ɓɛɛ,

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Yahudi 9:8

Suru Laa tusu zang nɛɛ naa putali ɓɔɔ shɔnzang ri palɛ, nɛɛ doo ka nɔng, gbalang ɓɔɔ zang daa nɔng ɓɔɔ shi kpang kagn kpang, puu gn kpang tingkiring.

1 Bituru 1:21

Nɔɔ shing danggn ka bii Laa ka ruu ɓiɓɛ kɔ. Laa ɓɔɔ wisi wu paa nɛɛ sàa, a á wu bannang ɓɛɛ. Ka ruu nɔngkɔ, nɔɔ shing danggn, a nɔɔ ti shing jĩng ka bii Laa.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Yɔhana 1:8

Naa ruu kɔɔyi nɛɛ, vuu shi kpang ɓi kagn bii ɓuru kpang, ruu nwãarɛ yuu ɓuru. Rúu niizang kagn yeti ɓuru kpang.

1 Yɔhana 2:23

Zang ɓɔɔ bɛ̃ɛ Jaa, Daa ɓi kagn yeti ɓiɓɛ kpang. Zang ɓɔɔ nɛɛ ta Jaa, Daa ɓi kagn yeti ɓiɓɛ kɔ doori.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

1 Yɔhana 5:6

Vuu ziti ɓɔɔ ruu zi kagn nɛɛ Yeesɔ Kirisi ɓi zang ɓɔɔ niizang ɓɛɛ. Ruu zi ka diki ɓɔɔ zang pàlɛ̀ wu batizima nɛɛ diki ɓɔɔ zĩi ɓiɓɛ tɛ̃ɛ ka laa ɓɔɔ zang ɓaa wu naa kagn ɓɛɛ. Wu batizima kɔ tusu ruu gbete kpang. Zĩi ɓiɓɛ ɓɔɔ tɛ̃ɛyi, wukɔ tusu ɓɔɔ ri. Suru Laa ti tusu ruu nɛɛ nɔngkɔ niizang, ka ruu ɓɔɔ, Suru Laa, tusu zang ruu ɓɔɔ niizang ɓɛɛ.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 19:11

Vuu keɓe ɓa tɔ, a n zi nyaa gãa puu ka lapa. Gbantang puru nwangnɛ. Zang ɓaa nung zang ɓɔɔ vang kagn nɛɛ, “Zang ɓɔɔ palɛ vuu ɓɔɔ wu kɔɔ ɓɛɛ katɔ, ɓɛɛ.” A ɓɔɔ, “Zang ɓɔɔ kɔɔ ɓi ruu ɓɔɔ niizang diki diki,” ɓɛɛ. Palɛ ɓi vuu tɔ̃ɔ, ka ɓɔɔ wu jɛ̃ɛ zang ruu, nɛɛ ɓɔɔ wu ta sĩiri ɓɛɛ.

Vuu ɓɔɔ zang nwangsɛ Yɔhana 20:15

A zang piti ɓɔɔ zang nɛɛ ĩi nung ɓiɓɛ, zang bee ka yeti labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ, kagn kpang, zang tasɛ wu ka too waa kaɓa kɔ.

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.