Yɔhana 14:2 - Nyaa Shɔɔ Ɓɔɔ Laa a Ɓɛɛ

² Ka gãa Daa mɛɛ, jaka kagn dɔɔli. Naa nɛɛ nɔngkɔ kpang, n nɛɛ kɔ̀ɔ nɔɔ tɔ. N daa shĩili nɔɔ doo nɔng nwannang.

Yɔhana 14:2 Σταυροειδείς Αναφορές

Luka 14:22

A zang shonang yɔɔ naa a tɔkn kɔɔ wu tɔɔ, ‘Dabang, n palɛ vuu ɓɔɔ mɔɔ kɔɔ m ɓɛɛ tɔ, nɔng ti yaa doogn.’

Yɔhana 13:33

Wujɛ mɛɛ, n nwang tɔ̀ɔ́ nɛɛ nɔɔ diki wu bee tɔkɔlɔng kpang. Nɔɔ naa kãa m ditɔ. N kɔ̀ɔ nɔɔ doo vuu ɓɔɔ n kɔ̀ɔ zang bang bang zang Yahudi ɓɛɛ kɔ, ‘Nɔng ɓɔɔ n daa ɓɛɛ, nɔɔ zunung daanang kpang.’

Yɔhana 13:36

Siman Bituru hɛ̃ɛ Yeesɔ tɔɔ, “Mɔɔ daa ka niya, Kpanti?” Yeesɔ kasɛ wu nyaa tɔɔ, “Nɔng ɓɔɔ n daa ɓɛɛ, mɔɔ dũng m kãntang keɓe kpang. Mɔɔ naa dũng m kaa nɛɛ knti.”

Yɔhana 14:28

Nɔɔ tãayi, n kɔɔ nɔɔ nɛɛ, ‘N dàá kaa tɔ, n gbãayu ditɔ tɔkn ka bii manɛ.’ Wee nɔɔ kasɛ m katɔ ɓee, nɔɔ tãa tĩnang, ka ruu ɓɔɔ, n dàá ka bii Daa ɓɛɛ. Ka ruu ɓɔɔ, Daa ɓa m bannang ɓi katɔ ɓɛɛ.

Yɔhana 16:4

N kɔɔ nɔɔ vuu keɓe, ka ruu ɓɔɔ, laa ɓɔɔ ri palɛ vuu keɓe nɛɛ a tɔ, nɔ́ɔ kpaa danggn kati nɛɛ bɛ̀ɛ́ n kɔɔ nɔɔ tɔ ɓɛɛ. N kɔ̀ɔ nɔɔ ruu keɓe ka tĩng kpang, ka ruu ɓɔɔ, bɛ̀ɛ́ n doo nɛɛ nɔɔ ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yahudi 11:10

Ka ruu ɓɔɔ, shing jĩng ɓi ka tĩng ka gari ka lapa ɓɔɔ zang loo doo ɓiɓɛ katɔ, ɓɔɔ ɓi Laa kɔ dĩi doo ɓiɓɛ, a mãayi ɓɛɛ.

Yahudi 13:14

Ka ruu ɓɔɔ, gari ɓɔɔ ɓi ɓɔɔ ɓuru gbinggbing kagn koo keɓe kpang ɓɛɛ. Ruu kãa ɓuru gari ɓɔɔ naa a ɓɛɛ.

Yahudi 6:20

Nɔng ɓɔɔ Yeesɔ kɔ daa tĩng shɔɔnang, ka nung ɓɔɔ ruu nɛɛ dàa ɓɛɛ. Ka knti ɓɔɔ nwang kpanti zang ɓɔɔ ri dɔɔ vuu ka Gãa Laa tɔ dòndòng, naa ɓɔɔ Malakisadak nwang ɓɛɛ.

Yahudi 9:8

Suru Laa tusu zang nɛɛ naa putali ɓɔɔ shɔnzang ri palɛ, nɛɛ doo ka nɔng, gbalang ɓɔɔ zang daa nɔng ɓɔɔ shi kpang kagn kpang, puu gn kpang tingkiring.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 21:2

N zi Urushalima ɓɔɔ shɔɔ, ɓɔɔ wukɔ gari Laa ɓɛɛ, a nɛɛ lapa nɛɛ nɔng Laa. Zang gbarɛ wu bii tɔ, naa sinyɛ ɓɔɔ zang gbarɛ wu bii, ka ruu ɓeevɛ ɓɛɛ.

Vuu ɓɔɔ zang nwangsɛ Yɔhana 3:12

Zang ɓɔɔ nɛɛ ɓa vuu gãsɛnang yuu, naa nwáng naa lajàa ɓɔɔ zang di sãa Gãa Laa nɛɛ mani ɓɛɛ. Ri yaa Gãa Laa takpang. N bee nung Laa mɛɛ, ka bii ɓarɛ, nɛɛ nung nɔng nwannang Laa mɛɛ, nɔng ɓɔɔ zang ɓaa nɛɛ Urushalima ɓɔɔ shɔɔ ɓɔɔ shooro nɛɛ lapa nɛɛ nɔng Laa mɛɛ ɓɛɛ. N ti bee nung mɛɛ ɓɔɔ shɔɔ jong ka bìí ɓarɛ.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.