Yɔhana 13:3 - Nyaa Shɔɔ Ɓɔɔ Laa a Ɓɛɛ

³ Yeesɔ ti zi tɔ, nɛɛ Daa ɓiɓɛ a wu naa vuu palɛnang tɔ nandon. Ti zi tɔ nɛɛ wu à nɛɛ bii Laa, nɛɛ wu ti gbãayu ka bii Laa ka nɔng.

Yɔhana 13:3 Σταυροειδείς Αναφορές

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 3:13

Zang ɓɔɔ vang gngn daa ka lapa kpang, ɓi nkɔ Jaa Shɔnzang ɓɔɔ n shooro nɛɛ lapa kɔ shɛ̃ɛning.”

Yɔhana 3:35

Daa kasɛ Jaa katɔ, a yaa vuu piti ka naa ɓiɓɛ.

Yɔhana 7:29

N zi wu m tɔ, ka ruu ɓɔɔ, n à nɛɛ bii ɓiɓɛ kɔ. Wukɔ ti shong m ɓɛɛ.”

Yɔhana 7:33

A Yeesɔ kɔɔ ri tɔɔ, “N nwang nɛɛ nɔɔ diki bee tɔ̀ɔ́ dɔɔli kpang, tɔ̀ɔ ń gbãayu, n daa bii zang ɓɔɔ shong m ɓɛɛ.

Yɔhana 8:14

Yeesɔ kasɛ ri nyaa tɔɔ, “Naa n kɔɔ ruu doo ka yuu mɛɛ, ruu mɛɛ ɓi niizang kɔ nwani, ka ruu ɓɔɔ, n zi nɔng ɓɔɔ n a nɛɛ mani tɔ, n ti zi nɔng ɓɔɔ n daa gn tɔ ɓɛɛ. Nɔɔ zi nɔng ɓɔɔ n a nɛɛ mani manɛ kpang, nɔɔ ti zi nɔng ɓɔɔ n daa gn ɓɛɛ kpang.

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

1 Koranti 15:27

Nwáng kaa naa ɓɔɔ zang bèe ka yeti labeenang Laa nɛɛ, Laa “Shing Jaa ɓiɓɛ tɔ, wu naa vuu piti nɛɛ doo ɓiɓɛ.” Ɓɔɔ zang bee naa weɓe ruu zi tɔ vuu piti naa ɓaa shoo ɓi kaa nyaa Yeesɔ kɔ. Nwàng wu naa ɓɔɔ Laa naa sɔɔrɔ yuu ɓiɓɛ ka dii ka tĩng Yeesɔ kpang, ka ruu ɓɔɔ, Laa kɔ shing vuu kaɓa ri sɔɔrɔ yuu ɓarɛ ka dii ka tĩng Yeesɔ ɓɛɛ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.