Yɔhana 13:21 - Nyaa Shɔɔ Ɓɔɔ Laa a Ɓɛɛ

²¹ Yeesɔ kɔɔ vuu keɓe tɔ, a vuu bìí kpãa wu ka yeti, a kɔɔ kaa faarik tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ nyɔ yuu mɛɛ ditɔ.”

Yɔhana 13:21 Σταυροειδείς Αναφορές

Matiyu 26:21

ri shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, shɔnzang gbete ɓɔɔ kagn teteng manɛ, naa mãlɛ́ m ditɔ.”

Matiyu 26:38

Yeesɔ kɔɔ ri tɔɔ, “Bii soo m tɔ nung vɔrɔ gbete. Nɔɔ nwang ka nihn, nɔ́ɔ gãng jĩng nɛɛ n ning.”

Maraku 14:18

Rí shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ naa nyɔ yuu mɛɛ ditɔ. Zang ɓɔɔ shaa vuu shaanang kana nɛɛ n ɓɛɛ.”

Maraku 3:5

Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.

Yɔhana 11:33

Yeesɔ zi naa ɓɔɔ wu kaayi, a zang Yahudi ɓɔɔ ri a nɛɛ wu ri kaa jong ɓɛɛ. Vuu bìí kpãa wu ka yeti dɔɔli, a gn ti kɔng wu dɔɔli.

Yɔhana 11:35

Yeesɔ kaayi nɛɛ miiri ka jĩng.

Yɔhana 11:38

Gn kɔng Yeesɔ tɔkn, a daa ka yuu sàa. Sàa bii ɓi yeng puru ɓɔɔ zang ku nyaa nɛɛ tari ɓɛɛ.

Yɔhana 12:27

A Yeesɔ kɔɔyi tɔɔ, “Jĩng dannang keɓe kpãa m tɔ yeti dɔɔli. N kɔɔ ɓu kaa nɛɛ viya? N kɔ̀ɔ nɛɛ, ‘Daa mɛɛ mɔ́ɔ yaa diki keɓe wu a ka yuu mɛɛ kpang ya?’ Kpang, n a ka ruu jĩng dannang ɓɔɔ diki keɓe kɔ.

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 13:2

Yeesɔ nɛɛ zang ɓɔɔ ri mantɛ vuu ka bii ɓiɓɛ, ri shaa vuu shaanang laarang kana. A sheetang shìng Yahuda Isikariyoti jaa Siman, rɛ̃rɛnang tɔ, ka yeti ɓiɓɛ nɛɛ wu nyɔ yuu Yeesɔ.

Yɔhana 13:22

Zang ɓɔɔ ri mantɛ vuu ka bii ɓiɓɛ ri pɛ̃ɛrɛ zɔɔ, ri zi zang ɓɔɔ Yeesɔ kɔɔ ruu bìí ka yuu ɓiɓɛ kpang.

Zang Shonang Yeesɔ 17:16

Ka ɓɔɔ Bulu gã Siila nɛɛ Timoti ka Ataniya ɓɛɛ zirɛ gari bìí vuu gãnti kɔ shɛ̃ɛning, a vuu bìí kpãa wu ka yeti dɔɔli.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.