Yɔhana 13:18 - Nyaa Shɔɔ Ɓɔɔ Laa a Ɓɛɛ

¹⁸ “N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 13:18 Σταυροειδείς Αναφορές

Matiyu 10:36

Zang ɓɔɔ ri ka yeti gãa zang, rikɔ naa raa zang ɓɔɔ ri shing jĩng nɛɛ wu kpang kaa jong.

Matiyu 26:21

ri shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, shɔnzang gbete ɓɔɔ kagn teteng manɛ, naa mãlɛ́ m ditɔ.”

Matiyu 26:23

A kasɛ ri nyaa tɔɔ, “Shɔnzang ɓɔɔ hãa naa nɛɛ n ka gbanti, wukɔ naa nyɔ yuu mɛɛ.

Maraku 14:17

Kaa nɛɛ laarang, Yeesɔ naa a kaa nɛɛ zang kopi tu ziti ɓɔɔ ri mantɛ vuu ka bii ɓiɓɛ ɓɛɛ.

Maraku 14:18

Rí shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ naa nyɔ yuu mɛɛ ditɔ. Zang ɓɔɔ shaa vuu shaanang kana nɛɛ n ɓɛɛ.”

Maraku 14:20

A kasɛ ri nyaa tɔɔ, “Zang gbete ka teteng manɛ kɔ. Zang ɓɔɔ hãa naa kana yeti gbanti gbete nɛɛ n ɓɛɛ.

Luka 22:21

“Nɔɔ zi karɛ, zang ɓɔɔ nyɔ yuu mɛɛ kagn nɛɛ n, ka nɔng kɔ ruu shaa vuu shaanang ɓɛɛ.

Yɔhana 13:21

Yeesɔ kɔɔ vuu keɓe tɔ, a vuu bìí kpãa wu ka yeti, a kɔɔ kaa faarik tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ nyɔ yuu mɛɛ ditɔ.”

Yɔhana 13:22

Zang ɓɔɔ ri mantɛ vuu ka bii ɓiɓɛ ri pɛ̃ɛrɛ zɔɔ, ri zi zang ɓɔɔ Yeesɔ kɔɔ ruu bìí ka yuu ɓiɓɛ kpang.

Yɔhana 13:26

Yeesɔ kasɛ wu nyaa tɔɔ, “Zang ɓɔɔ n hãa borodi keɓe ka yɔkɔ, n a wu, zang bìí kɔ naa mãlɛ́ yuu mɛɛ.” A sha borodi tɔkɔlɔng hãa ka yɔkɔ a, a Yahuda, jaa Siman Isikariyoti.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:19

Naa nɔɔ nɛ̀ɛ́ zang ɓɔɔ ri zi Laa kpang, ri nɛɛ kàsɛ́ nɔɔ katɔ. N shɛ̃ɛrɛ nɔɔ nɛɛ koo keɓe kɔ, nɔɔ manɛ tɔ̀ɔ́ zang ɓarɛ kpang, ka ruu nɔngkɔ, ri kasɛ nɔɔ kpang.

Yɔhana 15:25

Vuu keɓe, ɓèe ɓi nyaa vuu ɓɔɔ zang bee ka labeenang nyaa dannang ɓarɛ ɓɛɛ. Zang beeyi nɛɛ, ‘Ri bɛ̃ɛ m, n palɛ wu vuu ɓɔɔ kpang.’

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Yɔhana 18:32

Vuu keɓe nwang ka naa ɓɔɔ Yeesɔ kɔɔ ɓɛɛ. Bɛ̀ɛ́ kɔɔ ri zɔ̃ng vɔrɔ ɓɔɔ wu naa vɔ ɓɛɛ tɔ.

Yɔhana 19:24

Rɛɛ sɔɔja ri kɔɔ zɔɔ tɔɔ, “Ruu lɔɔsɔ kpang, ruu shaa laa, ruu zi zang ɓɔɔ fɔ̃ɔrɔ keɓe raa ɓɔɔ ɓiɓɛ ɓɛɛ.” Vuu keɓe nwang naa ɓɔɔ zang bée kaa yeti labeenang Laa ka tĩng tɛ̃ɛ tɛ̃ɛ ɓɛɛ. Zang beeyi nɛɛ, “Ri basɛ fɔ̃ɔrɔ mɛɛ ka bìí ɓarɛ, a ri ti shaa laa ka ruu fɔ̃ɔrɔ ɓɔɔ n hãa nɛɛ tĩng ɓɛɛ.” Wee vuu ɓɔɔ sɔɔja ri palɛ ɓɛɛ kɔ.

Yɔhana 19:36

Zang palɛ vuu keɓe naa ɓɔɔ zang bee ka yeti labeenang Laa tɛ̃ɛ tɛ̃ɛ ɓɛɛ. Zang beeyi tɔɔ, “Zang ká kaka ɓiɓɛ gbete kpang.”

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Zang Shonang Yeesɔ 1:16

Kɔɔyi tɔɔ, “Rɛɛ manzung, vuu ɓɔɔ labeenang kɔɔyi nwáng ditɔ niizang. Suru Laa rang yee ka tĩng nɛɛ nyaa Dawuda ka yuu Yahuda ɓɔɔ sɔ̀ɔ zang ɓɔɔ ri daa yí Yeesɔ tĩng ɓɛɛ.

Zang Shonang Yeesɔ 1:2

à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.