Yɔhana 13:13 - Nyaa Shɔɔ Ɓɔɔ Laa a Ɓɛɛ

¹³ Nɔɔ ɓáa m nɛɛ maalang, a nɔɔ ɓaa m nɛɛ kpanti. Nɔɔ ɓaa waasɛ̃, ka ruu ɓɔɔ, n maalang, a n ti Kpanti niizang ɓɛɛ.

Yɔhana 13:13 Σταυροειδείς Αναφορές

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Luka 10:28

A Yeesɔ kɔɔ wu tɔɔ, “Mɔɔ kasɛ nyaa tɔ tɔ̃ɔ. Palɛ veɓe kɔ, mɔɔ walɛ suru bii ɓɔɔ waa nyaa kpang ditɔ.”

Luka 6:46

“Ka ruu vi, nɔɔ ɓaarɛ m nɛɛ ‘Kpanti, Kpanti,’ a nɔɔ palɛ vuu ɓɔɔ n kɔɔ nɔɔ kpang viya?

Luka 7:43

Siman kasɛ wu nyaa tɔɔ, “Zang ɓɔɔ yɔɔ yaa wu saka dɔɔli ɓɛɛ.” Yeesɔ kɔɔ wu tɔɔ, “Mɔɔ kasɛ nyaa tɔ tɔ̃ɔ.”

Yɔhana 11:2

Marayamu keɓe, kɔ tũuru Yeesɔ nung ɓɔɔ pũ̀ngkù tɔ̃ɔ tɔ̃ɔ ka doo, a àlɛ̀ nɛɛ suuyuu ɓiɓɛ. Liyazaru ɓɔɔ vuu palɛ keɓe, jaa niiɓɛ kɔ.

Yɔhana 11:28

Mata kɔɔ ruu keɓe tɔ, a gbãayu daa yeti gãa, daa ɓaa jaa niiɓɛ Marayamu nyaa dang gbete, a kɔɔ wu nɛɛ, “Maalang a tɔ, hɛ̃ɛ nɔng ɓaaɓɛ.”

Yɔhana 11:3

Rɛɛ ɓeenaa soro ziti keɓe, ri shòng Yeesɔ nyaa tɔɔ, “Kpanti, vuu palɛ zang ɓɔɔ mɔɔ kasɛ wu dɔɔli ɓɛɛ katɔ.”

1 Koranti 12:3

Ka ruu nɔngkɔ, n kasɛ nɔɔ zi tɔ̃ɔ tɔ̃ɔ. Naa zang ɓɔɔ rang yee, nɛɛ naa vuu palɛnang ɓɔɔ Suru Laa a wu, zang kaɓa ràng yee shi kpang ka yuu Yeesɔ kpang. Zang ɓɔɔ ti zunung kɔɔnang katɔ nɛɛ, “Yeesɔ kɔ Kpanti ɓuru.” Kpang, naa Suru Laa kɔ a wu naa kɔɔnang kpang ɓɛɛ.

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

Afisa 6:9

Dabang gãa, nɔɔ nwang doo nɔngkɔ nɛɛ jaafoo manɛ. Nɔ́ɔ kɔɔ ri vuu ɓɔɔ hing ri bii manɛ anang kpang. Danggn wu ning nɔɔ kpang, dabang gãa manɛ ɓɔɔ wukɔ ti ɓɔɔ ɓarɛ ɓi gbete ka lapa. Zang ɓɔɔ jɛ̃̀ɛ ruu ɓi jong gn dang gbete kpang ɓɛɛ.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

Yakubu 2:19

Nɔɔ shing danggn tɔ, nɛɛ Laa ɓi gbete kɔ nwani. Wukɔ tɔ̃ɔ, Suru shi kpang ri zi tɔ kɔ doori, bii káa ri vɔrɔ kagn.