Yɔhana 13:1 - Nyaa Shɔɔ Ɓɔɔ Laa a Ɓɛɛ

¹ Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 13:1 Σταυροειδείς Αναφορές

Matiyu 26:45

A gbãayu naa ĩi zang ɓɔɔ ri mantɛ vuu ka bii ɓiɓɛ kati. A hɛ̃ɛ ri tɔɔ, “Nɔɔ rooyi, nɔɔ ɔ̃̀sɔ́ manɛ doo naa ya? Nɔɔ zirɛ, laa yaa kaa tɔkɔlɔng. Zang a zang ɓɔɔ ri palɛ vuu shi kpang Jaa Shɔnzang tɔ.

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Luka 22:53

N nwáng nɛɛ nɔɔ diki diki ka yeti Gãa Laa, nɔɔ tɔɔ kpang nɛɛ nɔɔ yi m kpang. Lɛɛkɔ làá manɛ kɔ arɛ, nɛɛ làá zang ɓɔɔ ri nwang ka nɔng tĩiri ɓɛɛ.

Luka 9:51

Ɓɔɔ diki ɓɔɔ Yeesɔ gbãayu daa lapa yaa kaa tɔkɔlɔng, Yeesɔ shing jĩng daanang kaa Urushalima.

Yɔhana 11:55

Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ a naabm kana. Zang yùkú paa kana nɛɛ jaa gari, zang daarɛ ka gari Urushalima nɛɛ zang daa palɛ vuu ɓɔɔ zang dang nyaa nɛɛ zang palɛ, nɛɛ tɔɔ Laa wu yaa zang gbalang vuu shi kpang ɓɛɛ. Ri pálɛ̀ vuu keɓe ka gbongkarɛ, tɔ̀ɔ, diki nyaalaa wu a kati.

Yɔhana 12:23

Yeesɔ kasɛ ri nyaa tɔɔ, “Diki ɓɔɔ zang a Jaa Shɔnzang bannang kagn a tɔ.

Yɔhana 13:29

Zang ɓɔɔ ri kɔɔ ɓarɛ nɛɛ naa ɓɔɔ duku saka ɓarɛ ka naa Yahuda kɔ, Yeesɔ kɔɔ wu nɛɛ wu hoo vuu ɓɔɔ ri shaa ɓɛɛ. Zang ɓɔɔ ri kɔɔ ɓarɛ nɛɛ Yeesɔ shong wu nɛɛ wu daa a zang ɓɔɔ vuu ka naa kpang saka.

Yɔhana 13:3

Yeesɔ ti zi tɔ, nɛɛ Daa ɓiɓɛ a wu naa vuu palɛnang tɔ nandon. Ti zi tɔ nɛɛ wu à nɛɛ bii Laa, nɛɛ wu ti gbãayu ka bii Laa ka nɔng.

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

Yɔhana 14:28

Nɔɔ tãayi, n kɔɔ nɔɔ nɛɛ, ‘N dàá kaa tɔ, n gbãayu ditɔ tɔkn ka bii manɛ.’ Wee nɔɔ kasɛ m katɔ ɓee, nɔɔ tãa tĩnang, ka ruu ɓɔɔ, n dàá ka bii Daa ɓɛɛ. Ka ruu ɓɔɔ, Daa ɓa m bannang ɓi katɔ ɓɛɛ.

Yɔhana 14:31

N kasɛ nɛɛ zang koo keɓe ri zirɛ nɛɛ n kasɛ ruu Daa katɔ, ka ruu nɔngkɔ, n palɛ vuu piti naa ɓɔɔ wu kɔɔ m nɛɛ n palɛ ɓɛɛ. Nɔɔ yupaa ta ruu daa nɔɔ.

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Yɔhana 17:1

Yeesɔ hangsɛ nyaa ruu keɓe tɔ, a tuu jĩng ka lapa, a gàa Laa tɔɔ, “Daa, laa a tɔ. Zang ri zi bannang mɛɛ ta, ɓɔɔ n Jaa ɓaaɓɛ, tɔɔ zang ri zi bannang ɓaaɓɛ kaa bii mɛɛ.

Yɔhana 17:16

Ri ɓarɛ zang koo kpang, naa ɓɔɔ n m zang koo kpang ɓɛɛ.

Yɔhana 17:26

N tusu ri mɔɔ tɔ, n ti tusu ri ditɔ sasak, tɔɔ ri kasɛ zɔɔ kaa jong naa ɓɔɔ mɔɔ kasɛ m ɓɛɛ. Ń ti nwáng jong nɛɛ ri.”

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Yɔhana 18:4

Yeesɔ ti zi vuu ɓɔɔ zang naa palɛ wu ɓi tɔ, a yupaa naa shii ka tĩng ɓarɛ, a hɛ̃ɛ ri tɔɔ, “Nɔɔ kãa ɓu wiya?”

Yɔhana 19:28

Yeesɔ zi tɔ nɛɛ zang hangsɛ nyaa vuu tɔ nandon, a kɔɔyi tɔɔ, “Sutu mãa m.” A kɔɔ nɔngkɔ tɔɔ vuu ɓɔɔ zang bee ka yeti labeenang Laa wu nwang kaa niizang.

Yɔhana 2:13

Làá nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yáa kaa tɔkɔlɔng, a Yeesɔ daa kaa Urushalima.

Yɔhana 6:4

Bɛ̀ɛ́ nyaalaa Pasika ɓɔɔ zang Yahudi ri kpaa danggn diki ɓɔɔ Laa tɛɛ kagn ɓɛɛ a naabm tɔ.

Yɔhana 7:30

Ka ruu nɔngkɔ, ri kãa gbalang nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii kpang. Ka ruu ɓɔɔ laa ɓiɓɛ yaa doogn ɓɛɛ.

Yɔhana 7:6

Yeesɔ kɔɔ ri tɔɔ, “Làá mɛɛ a gn kpang gbongkarɛ. Ɓɔɔ manɛ, laa piti daa nɔɔ manɛ katɔ.

Yɔhana 8:20

Kɔɔ ruu keɓe, bɛ̀ɛ́ tusu zang vuu ka yeti Gãa Laa, naabm nɛɛ nɔng ɓɔɔ zang tɛ̃ɛ saka ɓɔɔ zang á Laa ɓɛɛ. A zang ɓɔɔ yi wu kaa takpang, ka ruu ɓɔɔ, laa ɓiɓɛ à gn kpang ɓɛɛ.

Rooma 8:37

Wu nɔngkɔ kpang, zang ɓɔɔ basɛ ruu nɛɛ Yeesɔ kpang. Ka vuu kɔ palɛ ruu ɓee nandon zang ɓɔɔ kàsɛ̀ ruu ɓuru katɔ keɓe, yiki ruu naa kagn, ruu ɓa vuu keɓe yuu gbãng gbãng.

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.