Yɔhana 12:41 - Nyaa Shɔɔ Ɓɔɔ Laa a Ɓɛɛ

⁴¹ Ishaya kɔɔ vuu keɓe, ka ruu ɓɔɔ, zi bannang Yeesɔ ɓɛɛ, a rang ruu ka yuu ɓiɓɛ.

Yɔhana 12:41 Σταυροειδείς Αναφορές

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 14:9

Yeesɔ kasɛ wu nyaa tɔɔ, “Filibu, n nwáng tɔ, nɛɛ nɔɔ diki mɛɛ bee tɔ, mɔɔ zi m nung gn kpang ya? Zang ɓɔɔ nɛɛ zi m tɔ, zi Daa tɔ. A mɔɔ kɔɔ m ka ruu vi nɛɛ, n shìng nɔɔ ta, nɔɔ zi Daa nung viya?

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

1 Bituru 1:11

Suru Kirisi ɓɔɔ nwang ka yeti ɓarɛ kɔɔrɔ ri naa ɓɔɔ Kirisi naa dang jĩng, tɔ̀ɔ, zang naa a wu bannang kati ɓɛɛ. Ri kãa nɔng, ri kasɛ nɛɛ ri zi làa ɓɔɔ zang naa pálɛ̀ vuu keɓe kagn, nɛɛ naa ɓɔɔ zang naa pálɛ̀ ɓɛɛ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.